Innocentius Episcopus servus servorum Dei venerabili fratri ... Archiepiscopo Prussie, Livonie et Estonie salutem et Apostolicam benedictionem. Exigentibus tue devotionis meritis, votis tuis libenter annuimus, et petitiones tuas, quantum cum Deo possumus, favorabiliter exaudimus. Tuis itaque supplicationibus inclinati, utendi palleo in partibus Russie et Ecclesie Lubicensis, quam tibi commisimus, plenam tibi concedimus de speciali gratia facultatem. Hanc autem indulgentiam ad tuos extendi nolumus successores; ipsam te cedente vel decendente carere viribus decernentes. Nulli ergo omnino hominum liceat hanc paginam nostre concessionis infringere, vel ei ausu temerario contraire. Si quis autem hoc attemptare presumpserit indignationem Omnipotentis Dei, et Beatorum Petri et Pauli Apostolorum ejus se noverit incursurum. Datum Lugduni VII. idus Septembris, Poutificatus nostri anno quinto.

(Turgenev id. m. I. köt. 65. l.)