Innocentius Episcopus servus servorum Dei venerabili fratri ... Archiepiscopo Moguntino salutem et Apostolicam beneditionem. Dilectus filIus Hezelo de Vilstorf clericus, in nostra proposuit presentia constitutus, quod cum nos olim tibi per nostras litteras duxerimus concedendum, ut posses duobus vel tribus in Coloniensi et Trevirensi provinciis in ecclesiasticis benefiiciis eorum cuilibet usque ad summam triginta marcharum argenti in una, vel pluribus Ecclesiis providere; dilectus filius ... Scolasticus Maguntinus, cui commiseras in huiusmodi negotio totaliter vices tuas, ... Decano et Capitulo Sancti Theobaldi Metensis, ut eundem clericum recipientes in canonicum et in fratrem prebendam, si qua in eorum Ecclesia tunc vacabat, vel quam cito se ad id offeret oportunitas, liberaliter assignarent, ac ... Abbatisse et Conventui loci ejusdem, ut dicto clerico in aliqua Ecclesiarum ad donationem suam spectantium, cujus redditus decem marcharum valorem attingerent annuatim, providere mandavit. Quod quia tam Decanus, et Capitulum, quam Abbatissa, et Conventus predicti facere contumaciter denegarunt, idem Scolasticus in eos pimo suspensionis, ac demum excommunicationis sententias promulgavit. Verum cum postmodum per eundem Scolasticum processum hujusmodi sine judiciali strepitu, ac tandem, eo id efficere non curante, per ... Decanum Sancti Salvatoris Metensis mandaverimus revocari, ac dictus Decanus per ... officialem Metensem prefatam sententiam fecerit relaxari, nobis prefatus clericus humiliter supplicavit, ut sibi super hoc providere paterna clementia curaremus. Dilecti itaque filii Gregorii Abbatis de Monte Sancti Danielis, et fratrum H. et A. de ordine fratrum Predicatorum, carissimi in Christo filii Danielis Regis Russie nuntiorum, cum quibus idem 240clericus pro Sedis Apostolice negotiis fideliter, ut accepimus, laboravit, precibus inclinati, ac ejus, cum pauper sit, volendo parcere laboribus et expensis, mandamus, quatinus, si est ita, revocatione hujusmodi, vel qualibet Apostolice Sedis indulgentia non obstante, tam a Decano, et Capitulo, quam ab Abbatissa et Conventu predictis juxta prefati Scolastici directarum ad ipsos continentiam litterarum auctoritate facias Apostolica providere. Contradictores etc. Datum Lugduni idibus Septembris, Pontificatus nostri anno quinto.

(Turgenev id. m. I. köt. 66. l.)