Excellentissimo domino suo Bela Dei gracia Illustri Regi Hungarie Capitulum Chanadiensis et Orodiensis Ecclesie oraciones in Domino filio Virginis Gloriose debitas ac deuotas. Litteras Vestre Serenitatis nouerit Celsitudo Vestra nos recepisse in hec verba.

Bela Dei gracia Hungarie Rex stb. (mint fentebb 147. szám alatt.)

Nos igitur preceptis ac mandatis Serenitatis Vestre fideliter obtemperantes, vt tenemur, socios nostros fidedignos, Joannem Custodem de Capitulo Chanadiensi, et Stephanum Lectorem Orodiensem cum predicto homine vestro Magistro Petro vice nostra misimus pro testimonio ad premissa exequenda; qui quidem homo vester cum predictis testimonijs nostris ad nos redeuntes nobis dixit requisitus presentibus socijs nostris, quod conuocatis omnibus commetaneis et vicinis nobilibus de genere suo, prememoratas terras, villas seu possessiones, scilicet Pangrachfaya et Pangrachteluk, cum piscina Pangrachewreme vocata, et syluis glandium vsque ad portum Murusij, cum nemoribus de duabus partibus collateralibus earundem villarum, enndo deinde versus Zarrazer, cum campis, fenetis, terris arabilibus, et alijs vtilitatibus per veteres metas circueundo; item Kysfalw et Zent Leurencz cum stanno, quod separat de Marusio incipiens a villa Comitis Isac fratris sui Vlunk vocata, exeundo in campum versus Zarrazer vsque ad quandam villam, que communiter possidetur cum Comite Gregorio et Dionisio fratre eiusdem, Isaac, Barnaba, Philippo et Pangracio; item quartam partem Thembes a parte orientis cum duabus extremitatibus platee, et omnibus vtilitatibus quarte partis eiusdem ville, piscinis videlicet, syluis, pratis, fenetis et terris arabilibus; item Ladan cum tota sylua glandium 243vsque ad fines ville Zumbur a parte occidentis, et deinde directe eundo per metas vsque ad Morusium, et per Morusium supra vsque ad metas ville Palata vocate, que similiter est sua; item villam Palatha, que vno nomine Kelemenus palataya, alio nomine moderno Pangrach palataya vocatur, cum tota sylva glandium versus orientem vsque ad fines ville Chwchkwd, que cum Isac et Wgud de genere Chanad, que communiter ab eisdem possidetur, et inde per veteres metas et antiquas vadit versus aquilonem vsque ad portum Morusij, a meridie vero transit in campum, et vadit vltra vnam vallem lutosam et aquosam, et ibi continguatur terris nobilium de Beez; deinde wadit uersus occidentem per metas ad terram Pradanmunustra, vbi sunt tres mete terree, quarum vna pertinet ad terram Pradanmunustra, secunda ad villam Ladan, tercia est ipsius ville Palatha vocate, et sic ibi terminatur; item medietatem ville Beeb a parte meridiei, cum medietate pontis tributi eiusdem ville, et omnibus alijs vtilitatibus, terris, piscinis, pratis, directe ad medietatem pertinentibus, alia vero medietate suis proximis similiter cum omnibus vtilitatibus remanente; item Eghazasker, cuius ecclesia est constructa in honorem Marie Virginis, cum omnibus vtilitatibus suis per antiquas metas girando circumcirca; item Rasan similiter per antiquas metas circueundo, et easdem in pluribus renouando, similiter cum omnibus vtilitatibus; item Zent Miklous per antiquas metas, incipiendo a parte occidentis, girando seu circueundo per septemtrionem, aquilonem, orientem et meridiem, et nouas erigendo, similiter cum omnibus vtilitatibus et pertinencijs suis; item Chaka cum omnibus piscaturis, terris arabilibus, fenetis, pratis et alijs omnibus vtilitatibus, que intra metas antiquas et renouatas eiusdem ville existentes esse dinoscuntur; item Barumloh similiter cum omnibus vtilitatibus et pertinencijs existentibus intra metas, que possessiones habite cum metis ad inuicem coniunguntur et contiguantur, in quarum metis et vicinitate piscina, que antiquiore nomine Pothoktow vocatur, per quosdam autem Chakathowa, et per alios Rasanthowa nuncupatur, eadem piscina in longo et lato cum prenominatis possessionibus et earum vtilitatibus in toto; item Temerken prope Tyciam, cum nemoribus in duobus locis existentibus, et alijs vtilitatibus suis, que intra metas eiusdem 244nouas et antiquas dinoscuntur contineri, distinctas a suis commetaneis; item Zyntarew similiter prope Tyciam cum tributo consueto, quam a Vestra Regia Maiestate nomine sue hereditarie possessionis obtinuit per duellum, incipiendo a capitali meta prope portum Tycie a parte occidentis per metas circuiens intrando in campum, et deinde similiter per metas continuas et contiguatas redeundo ad Tyciam a parte superiori, nullis nouis metis erectis, sed antiquis omnibus approbatis: item medietatem in Zanath, cuius altera pars per Comitem Elek de genere Chanad possidetur, similiter cum omnibus vtilitatibus et fructibus prouenientibus de omnibus pertinencijs ipsius medie ville; item medietatem ville Woffahyelesse, que alio nomine Kwkener vocatur, a parte septemtrionis rectam cum tota sessione villanorum ibi commorancium, et cum omnibus vtilitatibus et pertinencijs de sua parte prouenientibus intra veteres metas et antiquas; item Pwklwssy similiter per antiquas metas circueundo; item Nadasd similiter girando per veteres metas; item Kalanteluk iuxta Sanctum Georgium cum duabus rotis molendini, quam sibi venerabilis pater Kalanus Episcopus Quinqueecclesiensis tradidit cum sorore sua, similiter per antiquas metas reambulando, syluis, fenetis et alijs vtilitatibus ac pertinencijs; item Kyshwdus iuxta Bwrzua similiter cum omnibus vtilitatibus et pertinencijs suis, et sylua quadam paruuncula per antiquas metas reambulando; item medietatem ville Chawas a parte Themes existentem cum duabus rotis molendini et alijs omnibus vtilitatibus pertinentibus ad medietatem ville Chawas; item willam Halaz, que est ibi, vbi aqua Harangud cadit in Morothwa venientem de Peturreu, cum omnibus vtilitatibus ac pertinencijs ambulando per antiquas metas; item Narad in Syrimia, reambulando similiter per veteres et antiquas metas; item in montibus, vinetis, syluis, nemoribus, pratis, fenetis, terris arabilibus, et alijs vtilitatibus intra metas existentibus processissent, conuocatis omnibus commetaneis et vicinis nobilibus de genere Chanad et presentibus; easdem omnes possessiones supradictas nullis contradicentibus, sed penitus annuentibus et consencientibus, in eisdem metis antiquis et quibusdam renouatis, ac alicubi penitus nouis erectis, vbi necessitas exposcebat, eidem Comiti Pangracio filio Kelemenus Bani et suis successoribus pacifice 245possidendas, tenendas ac habendas, sicut erant in antea, perpetuo reliquissent; saluis monasterijs et alijs possessionibus, quas cum sua generacione in predictis Comitatibus et alijs Regni partibus communiter dinoscitur possidere. Hoc non pretermisso, quod Comes Isac presente Comite Pangracio et homine vestro prelibato dixit, quod quia sunt fratres, quantumcunque reambulauerit possessiones suas per veteres metas sibi appropriando nullis contradicentibus; nihilominus si alterum altero sine herede premori contingat, non alij de generacione sua in possessionibus, que in cuiuslibet parte essent, succedant, sed alius, qui superstes fuerit de cisdem cum suis fratribus. Datum in quindenis Resurreccionis Domini anno Domini millesimo ducentesimo quadragesimo septimo.

(Báthory István erdélyi vajda 1572-ki átirata szerint; a kir. kamarai levéltárban.)