Quoniam humanorum actuum seriem labente temporum curriculo obliuionis nubes obnubilat, necessarium est memoriam eorum viuaci testimonio litterarum commendare. Proinde nos Mauricius Magister Dapiferorum Regis et Comes Nitriensis ad vniuersorum noticiam presencium posterorumque uolumus peruenire, quod cum Marcus filius Aba patruj nostri propinquiori consanguinitatis linea nobis attineat, et insuper sepius sua seruicia honesta et fructuosa nobis exhibuerit 251indefesse ac reuerenter tamquam fratri; nos eum tam racione consanguinitatis, quam pro recompensacione seruiciorum suorum, de possessionibus nostris participem fore cupientes, duo predia nostra, quorum alterum Symon nuncupatus in Comitatu Gumuriensi iuxta fluuium - - stens ex Regia collacione acquisitum, et aliud, quod Oumbul vocatur vltra Orawam prope Noak situm, quod empcionis tytulo possidebamus, sibi et per eum suis heredibus heredumque successoribus ex nostro beneplacito et consensu contulimus perpetuo possidenda. Vt autem hec a nobis eidem facta collacio inperpetuum perseueret, nec per quempiam successorum nostrorum possit in irritum reuocari, presentes litteras dedimus sigilli nostri munimine roboratas. Datum anno gracie Mş ducentesimo quadragesimo septimo, tercio nonas Augusti.

(IV. Béla királynak ugyanazon évi megerősítő privilegiumából, mint fentebb 155. sz.)