Bela Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanieque Rex vniuersis Christi fidelibus presencium noticiam habituris salutem in co, qui Regibus dat salutem. Prouida Regum circumspeccio, etsi cunctis sibi famulantibus se exhibeat liberalem, vberiori tamen gracia et ampliori prouisione illis tenetur prospicere, quorum obsequiosa fidelitas a suis progenitoribus cepta vsque in nouissimam progeniem est sine interrupcione qualibet propagata. Proinde ad vniuersorum tam presencium quam futurorum noticiam harum serie volumus peruenire, quod nos memores fidelium et vtilium seruiciorum Joachini Comitis quondam patris dilecti ae fidelis nostri venerabilis patris Philipi Zagrabiensis Episcopi, patri nostro felicissime recordacionis Andree Regi Hungarie Illustri, nobis ac toti Regno opportune nec non multifarie impensorum, intuitu quorum terra Zolona excepta de castro Zaladiensi in Sclauonia cuirk omnibus suis pertinencijs et vtilitatibas ei collata fuerat et donata, animaduertentes eciam et memoriter retinentes, quod memoratus Filipus Episcopus et frater ipsius Thomas nobis continua fidelitate a puerieie sue temporibus adheserint, et multimoda sernicia impenderint, predictam terram Zolona exceptam de castro Zaladiensi, in cuius eciam possescione nunc existunt, cum omnibus suis pertinencijs et vtilitatibus, prout pater ipsorum a patre nostro optinuerat et possedit, sub eisdem terminis et metis eisdem fidelibus nostris Episcopo, et fratri suo Thome, et omnibus heredibus heredumque successoribus contulimus et conferimus iure pleno pacifice et quiete in perpetuum possidendam, et collacionem patris nostri inclite recordacionis, collacionis a nobis facte testimonio confirmamus; vt sicut eorum fidelitas patris fidelitati est continua, ita et perpetuitate possessionis continuis et sempiternis temporibus 256perfruantur. Vt autem hec a nobis facta collacio sew collacionis a patre nostro facte confirmacio robur optineat firmitatis, nec vllis vnquam temporibus ualeat in irritum reuocari, presentes nostras litteras super ipsa collacione sew confirmacione de nostro mandato confectas in priuilegium perpetuum dupplicis sigilli nostri munimine fecimus communiri. Datum apud Waska anno Dominice Incarnacionis millesimo ducentesimo quadragesimo octauo, Regni autem nostri anno terciodecimo.

(A királyi személynök 1486-ki itélet leveléből a budai kir. kamarai levéltárban.)