Bela Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanieque Rex omnibus Christi fidelibus presentem paginam inspecturis salutem in Domino. Quod semel iudiciario ordine legitime diffinitur, firmum debet et inconcussum permanere, et ne in recidiue questionis scrupulum relabatur, auctoritate conuenit Regia confirmari. Hinc est, quod ad vniuersorum noticiam harum serie volumus peruenire, quod accedentes ad nostram presencium Lorandus Palatinus et Comes Posoniensis ab vna parte, Odola, Chelk et Bouch filij Bouch de genere Bouch Bani ex altera, personaliter coram nobis constituti; qui quidem Odola cum fratribus suis confessi sunt oraculo viue vocis, quod quasdam possessiones suas hereditarias Golgoa et Pethna in Comitatu de Posga (így, Posega helyett) existentes eidem Lorando Palatino pro quatuorcentis marcis vendidissent; Benedictus scilicet, Borh dictus, Marceilus et Michael filii sui, qui personaliter ibidem coram nobis astarunt, tam pro se, quam eciam pro filijs suis minoribus, similiter de genere eiusdem Bouch Bani, eundem Odolam et fratres suos supradictos a vendicione predicte terre, similiter eundem Lorandum Palatinum ab empcione possessionum antedictarum, causa proximitatis seu commetacionis ac vicinitatis prohibuerunt et inhibuerunt; quia possessiones prenominatas dictus Odola et fratres sui prenominati, eidem Lorando Palatino legitime et ordine judiciario vendere seu tradere non possent, quia magis ac magis eidem Benedicto et filijs suis prefatis congruerent, sicut jam dictus possessiones suas esse hereditarias asseruerunt, et secundum consuetudinem Regni approbatam coram nostra Majestate eundem Lorandum Palatinum deuecierant, quod absque voluntate et sine permissione eorundem dictus possessiones idem Lorandus 261Palatinus emere siue comparare non potuisset. Ob hoc eundem Lorandum coram nobis emere permiserunt, quia sepe dictus Lorandus Palatinus cum eisdem talem fecit ordinacionem. Hoc tamen adjecto interposito, quod dictus Lorandus Palatinus quandocumque et qualitercumque vel filij sui aut suorum heredes possidere seu obtinere nollent, extunc nemini, nec cuipiam, nec proximis eiusdem tradere seu vendere possit, nisi Benedicto et filijs siue heredibus suorum; si prefati Benedictus et filij sui emere non possent, commetanei et vicini alieni, qui non sunt de generacione eorundem, libere possint comparare justicia mediante. Quia Lorandus Palatinus prefatam ordinacionem coram nobis eisdem concessit, predictas possessiones eidem emere permiserunt. Cuius mete possessionum supradictarum in litteris Capituli de Posga plenius continentur. Vt igitur huius facti series per nos rite et legitime conseruata robur perpetuum optineat, presentes contulimus litteras dupplicis sigilli nostri munimine roboratas. Datum per manus Magistri Symaragdi Prepositi Albensis aule nostre Vice-Cancellarij anno Domini millesimo CCş quadragesimo octauo, Regni autem nostri anno decimo quarto.

(Eredetie bőrhártyán, vörös-sárga zsinóron függő pecséttel, a hg. Eszterházy család levéltárában.)