Nos B. Dei gracia Rex Hungarie commendantes memorie significamus, quod constitutus coram nobis dilectus et fidelis noster Ekch Banus filius Ekch ex parte una, et Thomas filius Osl ex altera, idem Ekch Comes asseruit coram nobis et dixit, quod predium Belud, quod predictus Thomas Comes racione dotis et iudiciorum amiserat, et ipse secundum ordinem ituris euicerat, sicut eciam idem Thomas Comes dixit coram nobis, ad peticionem et instanciam dilecti et fidelis nostri Chak Magistri Tawarnicorum nostrorum et Comitis Suprvniensis reddidisset ipsi Thome Comiti tali modo, quod in octauis Sancti Michaelis coram Capitulo Albensi sepedictus Thomas Comes daret ipsi Ekch Comiti viginti marcas in moneta nostra, pro qualibet marca octo pensas, uel in argento, cuius decima pars comburetur. Quam siquidem summam pecunie si eo die integraliter non solueret, extunc in antea sepedictus Ekch Comes memoratum predium Belud absque prepedimento aliquo pacifice possideret et quiete.

(A székesfehérvári bizonyságlevélből mint alább 194. sz. a. a budai kir. kamarai levéltárban.)