Innocentius Episcopus servus servorum Dei carissimo filio Danieli Regi Russie Illustri, salutem et Apostolicam benedictionem. Quia pericula possunt facilius evitari, si contra ipsa per providentie clipeum muniamur, Serenitatem tuam rogamus, monemus, et hortamur attente, petentes pro munere speciali, quatenus quam cito tibi constiterit, quod Tartarorum exercitus versus Christianitatem dirigat gressus suos, id dilectis filiis fratribus de domo Theotonica in Russie partibus commorantibus, intimare procures; ut cum hoc per eosdem fratres ad notitiam nostram pervenerit, qualiter ipsis Tartaris viriliter cum Dei adjutorio resistamus, possimus maturius cogitare. Datum Lugdun XI. kalendas Februarii, Poutificatus nostri anno quinto.

(Turgenev, Historica Russiae Monimenta, I. köt. 68. l.)