Nos Mathias Dei gracia Rex Hungarie, Bohemie etc. memorie commendamus, quod in Newburga Claustrali feria tercia proxima post festum Epihaniarum Domini anno eiusdem millesimo quadringentesimo octogesimo quinto proxime transacto, fidelis noster Egregius Johannes de Zenthgyrolth nostrum veniens in conspectum in sua ac Francisci fratris sui carnalis nominibus et in personis nobis exponere curarat in hunc modum: quod alias in quadam causa inter Egregios Benedictum, Johannem et Stephanum de Thorna, vt actores ab vna, et ipsos Johannem et Franciscum velut in causam attractos partibus ab altera, anno videlicet cuius tunc tercia instetisset reuolucio, occasione quarundam possessionum Zlawynya et Kerezthur vocatarum in Comitatu Crisiensi habitarum, in octauis festi Epiphaniarum Domini coram Personali Nostra Presencia et Magistris Prothonotariis Curie nostre mota stb. - - tandem octauis Beati Michaelis Archangeli instantibus, dictaque Personali Nostra Presencia vnacum nonnullis dominis Prelatis, Baronibus et Regni nostri Nobilibus pro faciendo moderatiuo judicio causantibus in Sede Nostra Judiciaria pro tribunali sedentibus, Johannes de Han pro Johanne filio dicti condam Johanni de Zenthgyrolth, in quem causa presens eodem patre suo medio tempore ab hac luce sublato, juxta Regni consuetudinem est condescensa, cum procuratorijs litteris Conuentus Ecclesie de Kapornak eandem Nostram Personalem veniens in Presenciam stb. - - par litterarum sentencionalium (melyet t. i. Országhi Guth Mihály 1483. „in octauis Epiphaniarum Domini” hozott), adtunc pro parte Egregij Nicolai Hoghmas de Berekzo et prefati condam Johannis de Zenthgyrolth emanatum stb. (hoz fel; melyben „Valentinus Castellanus Castri Zenthgyrolth” Zenthgyrolthi Jánosnak nevében több okmányt, s ezek közt névszerint IV. Béla királytól hármat felmutatott; az elsőt 1248 „pro Joachino Comite quoad terram Zolona exemptam a Castro Zaladiensi” mint fentebb 178. sz. a.; - a másik kettő pedig, mint itt következik):

Secunda autem et tercia ipsarum eiusdem condam domini Bele Regis littere similiter priuilegiales, sigillo eiusdem autentico et dupplici similiter impendenti vallate, ambe earum sub vno sensu et forma verborum ac eodem anno, scilicet anno Dominice Incarnacionis millesimo ducentesimo quinquagesimo, nono kalendas Julij, Regni autem sui quintodecimo Greurini priuilegialiter emanate inter cetera declarabant; quod idem dominus Bela Rex volens quandam possessionem nomine Zolonna, quam a Castro Zaladiensi condam exemptam inclite recordacionis pater ipsius domini Bele Regis Ywachino tunc Comiti Schybiniensi bone memorie filio Comitis Geche pro suis multiplicibus seruicijs (Rega)lis priuilegij patrocinio donauerat, filijs et vniuersis eiusdem heredibus immobiliter conseruandam, propter que quidem seruicia ipsius Iwachini Comitis alte memorie pater dicti domini Bele Regis eidem Iwachino et suis heredibus heredumque suorum successoribus dictam possessionem Zolonna in jus perpetuum contulerat et donauerat Regali priuilegio confirmando; tractu siquidem temporis cum idem dominus Bela Rex de eiusdem patris sui licencia donaciones suas, que perpetuitates vocabantur, reuocaret, hec sua donacio in judiciuin deducta respectu seruiciorum predicti Iwachini Comitis, qui tunc iam decesserat, apud filios suos illibata permansisset, verum inclite memorie Andrea Rege rebus humanis excepto, eodemque domino Bela Rege Corona Regni per successionem hereditariam Diuina disposicione adipiscente, idem omnes perpetuitates per totum Regnum suum validiore manu cepisset reuocare, tanquam per quas Corone sue extiterat non modicum derogamen, et licet tunc eciam intendisset idem dominus Bela Rex hanc donacionem patris sui non recipere a filijs Comitis Iwachini pro patris eorum eminentibus seruicijs digne factam, sed eis pocius conseruare; ad euitandum tamen scandalum, quod in cordibus aliorum nobilium Regni sui oriri potuisset, si nullam reuocacionis voluntatem in hanc donacionem ostentasset, vt facilior (modus) vniuersas donaciones reuocandi pateret, si nullam exciperet; priuilegium antedictum a filijs rccepisset Comitis Iwachini, et a possessione ipsos ad tempus duxisset remouendos eo proposito et promisso, vt uel aliam possessionem in eiusdem Comitatus districtu sub forma commutacionis sibi daret, vel easdem sibi captata opportunitate redderet priuilegio innonato; posthec dilecti et fideles sui, venerabilis pater Filipus Episcopus Zagrabiensis, et Thomas Comes de Crocou (így) filij ipsius Iwachini Comitis ab ipso condam domino Bela Rege instancius petiuissent, vt eandem possessionem Zolonna iuxta promissionem tempore reuocacionis factam idem dominus Bela Rex ipsis restituere dignaretur, cum non solum paterna, verum eciam ipsorundem obsequiosa fidelitas ad restitucionem optinendam poterat et debebat merito suffragari. Vnde idem olim dominus Bela Rex promissionis sue, quam dictis filijs Iwachini Comitis intuitu seruiciorum patris eorum fecerat non immemor eandem propter ipsorum quoque seruicia inmemorosa quedam in eisdem litteris suis tangi voluit, curauisset effectui mancipare. Quorum omnium seruiciorum predictorum in eisdem litteris per longum gloriose et laudabiliter declaratorum intuitu, eandem possessionem Zolonna cum omnibus suis vtilitatibus et pertinencijs, ac sub eisdem metis litteris in eisdem specificatis, et ea omni integritate, quibus pater eorum possederat, donacionem patris sui predicti et suam sepefatis filijs Iwachini in perpetuum donando restituisset pleno jure. Insuper donacionem inclite recordacionis patris sui predicti per suam collacionem et restitucionem idem dominus Bela Rex eisdem domino Philipo Episcopo et Thome Comiti earundem litterarum suarum patrocinio in perpetuum valituram innouando confirmasset stb. stb.

Datum Bude sexagesima nona die octauarum festi Beati Michaelis Archangeli anno Domini millesimo quadringentesimo octogesimo sexto.

Lecta et presentata per Magistrum Jo. de Thwrocz.

(Eredetie bőrhártyán a budai kir. kamarai levéltárban.)