A B C D

Capitulum Ecclesie Budensis vniuersis presens scriptum inspecturis salutem in Domino. Vniuersitati vestre significamus, quod cum Petrus Decanus Canonicus Strigoniensis, procurator Ecclesie Strigoniensis ab vna parte, Bene filius Zena, Jacob et Zup filij Bartholomey de Musla ex altera, coram nobis fuissent constituti; prenotati homines de Musla confessi sunt: Bazam, Boronch et Bartholomeum, antecessores ipsorum cognatos, porciones eorundem hereditarias, quas habent in terra Ebed, Ecclesie donasse Strigoniensi, partem eciam Zene in eadem terra, quam nunc possidet Ecclesia Strigoniensis, Hyze Cantorem Strigoniensem empticio iure possedisse. Insuper ipsi eciam porciones Georgij et Pauli, cognatorum suorum, quos in persecucione Tartarorum dicebant fuisse peremptos, supradicto Capitulo Strigoniensi, cuius terris in prefata terra Ebed prenunciatorum hominum porciones interiacent, nullo contradictore exhistente, pro duabus marcis et dimidia argenti vendiderunt Capitulo Strigoniensi perhenniter possidendas. Obligantes se, quod si vmquam super terra per ipsos uendita aliqua lis emerserit, ipsi ab omnium inquietacione fratres Strigoniensis Capituli tenerentur reddere absolutos; dictamque summam pecunie confessi sunt se ad plenum recepisse, renunciantes omni iuri, quod ipsis et ipsorum cognatis in predicta terra Ebed quocunque titulo competebat. Datum per manus Magistri Ambrosij Lectoris, anno gracie millesimo CCş quinquagesimo; Aaron Cantore, Thoma tercio (így) Custode, Paulo Decano et ceteris existentibus.

(Az eredeti után Knauz Nándor, Magyar Sion II. köt. 596. l. V. ö. Fejér Cod. Dipl. IV. köt. 2. r. 81. l.)