Nos Nicolaus de Gara Regni Hungarie Palatinus et Judex Cumanorum danius promemoria, quod cum Sebastianus filius Lorandi de Abad, Ladizlaum Wayuodam Transiluaniensem, Dyonisium, Nicolaum et Michaelem filios Desew, ac Georgium filium Stephani, nobiles de Losonch contra se pretextu possessionarie diuisionis in presenciam domini Nicolai de dicta Gara patris nostri predilecti, in bona memoria defuncti, in certum terminum traxisset in causam, et ipsa causa inter partes diucius ventillata ad octauas festi Beati Georgij martyris in anno Domini millesimo trecentesimo octuagesimo preteritas prorogata extitisset stb. (és újabb elhalasztások közbejövén) - - interim dictis partibus decedentibus - - ad octauas festi Beati Michaelis Archangeli anno Domini millesimo trecentesimo nonagesimo nono elapsas deducta fuisset; denique ipsis octauis instantibus Georgius (filius Sebastiani) actor personaliter in Detrici (de Bubek) Palatini veniendo presenciam, quasdam octo litteras eidem Detrico Palatino demonstrauit. Quarum prima condam domini Bele incliti Regis Hungarie felicis recordacionis hic Bude anno Domini millesimo ducentesimo quinquagesimo primo, tercio nonas Septembris patenter suborta specificasset; quod in causa, que inter Johannem, Priuartum et Hectorem filios Priuarti ex vna parte, et Dyonisium ac Tybara filios Chak ex altera, super portu Abad, sicut eidem domino Bele Regi per litteras Agriensis Capituli innotuisset, mediantibus probis viris talis composicio interuenisset, quod totum tributum dicti portus a festo Sancti Jacobi predictis Dyonisio et Tyba filijs Chak, ac Imre et Samud filijs Dyonisij condam Palatini cedere deberet pro eo, quod predicti Johannes et fratres sui tributum dicti portus a tempore Tartarorum vsque tunc totaliter percepissent; tercio autem Sancti Jacobi festo reuoluto, predicti Johannes ac fratres sui, et eorum heredes terciam partem in dicto portu perpetuo possiderent, prefati vero Dyonisius et Tyba, ac filij Dyonisij condam Palatini Imre et Samud, ac eorum heredes, possiderent perpetuo reliquas duas partes. Ita tamen, quod si ante dictum tercium festum Sancti Jacobi prefati Johannes et fratres sui super dicto portu contra predictos Dyonisium et Tybam, ac filios Dyonisij, Imre et Samud mouerent questionem, aut eos in aliquo molestarent, ipso facto illam terciam partem, quam habere deberent predicti Johannes et fratres eius, ac heredes eorum, in perpetuum amitterent; si autem prefati Dyonisius et Tyba, ac filij Dionisij condam Palatini, Imre et Samud, aut heredes eorum, post reuolucionem tercij festi Sancti Jacobi predictos Johannem et fratres eius, aut heredes, super tercia parte molestarent, similiter duas partes, quas haberent in dicto portu, in perpetuo amitterent ipso facto. Quem quidem processum ipse Bela Rex ad instanciam parcium cum ratihabicione sui consensus in omnibus approbasset stb. Datum Bude quadragesimo secundo die octauarum festi Beati Georgij martyris, anno Domini millesimo quadringentesimo nono.

(Hitelesített másolata a budai kir. kamarai levéltárban)