Nos Maria Dei gracia Regina Hungarie omnibus, quibus presentes ostenduntur, volumus fieri manifestum, quod nos inspicientes seruicia et fidelitates fidelium nostrorum Symonis et Oltumerani (?) filiorum Nicolay Miko de Epel, hanc duximus eisdem graciam faciendam, quod ipsos jobagiones exercituales ordinauimus, donantes eisdem in willa Kuuy triginta duo iugera terrarum de terra Reginali, ubi melius inuenitur, et eorumdem filijs et filiorum successoribus perpetualiter et inreuocabiliter possidendam. Datum in Wissegrad per manus Akus Prepositi, anno Domini MşCCşLş primo.

(Az eredeti után Knauz Nándor, Magyar Sion II. köt. 598. l.)