Nos Tomas Diuina miseracione Abbas Monasterij Sancte Crucis de Kanisa uniuersis Christi fidelibus presens scriptum inspecturis salutem in uero salutis auctore. Vniuersitati vestre presentibus duximus intimandum, quod cum litis questio uerteretur inter nos ab una parte, et Ponich Comitem ab alia, pro terra Rakacia, quam idem P. Comes emit ab Elech filio Fudur Comitis Nycolay iusto titulo empcionis iuxta estimacionem bonorum uirorum comprouincialium suorum pro decem marcis argenti. Cuius terre quantitas secundum sentenciam eorundem virorum prouincialium continebat terram trium aratrorum cnm parte insule, que in continuacione dicte terre adiacet, que eciam dictum Elech contingebat, cuius insule pars inferior pertinet ad terram predicti P. Comitis, quam emit a Johanne filio Gregorij; post multas tandem altercaciones hinc et inde inter nos factas, questionem antedicte litis ex consensu patronorum Ecclesie nostre, et aliorum quamplurium nobilium reduximus ad bonum pacis hoc modo, quod dictam terram relinquentes eidem P. Comiti perpetuo possidendam iuxta ordinacionem litterarum Pauli Comitis Zaladiensis et Judicis aule Regie; ita tamen, ut si quispiam ex nobis temporis processu litem mouere proponeret, de hoc facto omnino in omnibus conuictus haberetur. Et ut hoc factum inconcussum permaneret in posterum, nec possit uenire in irritum, litteras dedimus sigilli nostri munimine roboratas. Anno gracie Mş CCş Lş primo.

(Eredetie bőrhártyán, melyről hártyazsinegen a pecsét függ, a főmélt. hg. Batthyáni család levéltárában. Ugyanott őríztetik ugyanazon okmánynak átirata is, mely a chazmai káptalan által készűlt 1409. feria secunda proxima post festum Exaltacionis Sancte Crucis.)