Zlandus Dei gracia Episcopus Vesprimiensis omnibus Christi fidelibus tam presentibus quam futuris, presentes inspecturis, lautem in salutis largitore. Ad vniuersorum noticiam tenore presencium uolumus peruenire, quod Comes Dominicus filius M ... de Kezw personaliter ad nostram accedens presenciam, nobis humiliter suplicauit, vt hominem nostrum fidedignum mitteremus cum eodem, coram quo domina Maria filia Magistri Joachyni, karissima consors eiusdem nobilis viri Comitis Dominici, suum conderet in suis extremis testamentum. Nos uero, prout ex debito et ex uoto ad curam animarum tenemur, precibus iam dictis Comitis Dominici inclinati, cum Benedictum Prepositum de Vrs misissemus, tandem ad nos rediens dixit nobis coram Martino sacerdote de Kezw, et Laurencio filio predicti Magistri Joachyni fratre ipsius domine Marie; vt eadem, cum in lecto egritudinis adhuc sue mentis compos existeret, dotem suam et res parafernales, prefato Comiti Dominico taliter relaxavit, vt filiam suam nuptui ordinaret, dum tempus aduenit nupciale. In cuius rei firmitatem literras nostras sigillo nostro concessimus roboratas. Anno Domini Mş CCş quinquagesimo quarto.

(Az eredeti után Véghelyi Dezső, Hazai Okmánytár I. köt. 29. l.)