Bela Dei gracia Vngarie, Dalmacie, Croacie, Rame, Seruie, Gallicie, Lodomerie, Cumanieque Rex omnibus Christi fidelibus presentem paginam inspecturis salutem in uero salutari. Solet a Principe confirmari, quod in conspectu geritur aliorum; inconcussum quippe permanet, quod Regie Serenitatis presidio roboratur. Ad vniuersorum igitur noticiam volumus harum serie peruenire, quod accedentes in nostram presenciam jaculatores nostri de villa Igrich in Comitatu Zaladiensi, humiliter nostre Magnitudini suplicarunt, ut statum terre ipsorum certis metis undique consignate, iuxta tenorem litterarum fidelis nostri Pauli Judicis quondam Curie nostre et Comitis Zaladiensis nostro priuilegio inserere, et insertum dignaremur benignitate solita confirmare. Quarum quidem litterarum tenor is est:

Nos Paulus Judex Aule Regie stb. (következik Pál országbírónak ezen határszabályozást tárgyazó 1251-ki okmánya, mint fentebb 229. sz. a.)

Nos itaque, qui ex officio suscepti regiminis tenemur inuigilare remedijs subditorum, predictorum ioculatorum precibus inclinati, statum terre eorundem prefate de uerbo ad uerbum secundum continenciam litterarum predicti P. Comitis insertum, presentibus auctoritate Regia confirmamus. In cuius rei testimonium presentes concessimus litteras duplicis sigilli nostri munimine roboratas. Datum per manus Magistri Smaragdi Albensis Ecclesie Electi aule nostre Vice-Cancellarij, anno Dominice Incarnacionis millesimo ducentesimo quinquagesimo quinto, Regni autem nostri anno vigesimo.

(Eredetie bőrhártyán, a sárga-vörös selyemzsinóron függött pecsét elveszett, a budai kir. kamarai levéltárban.)