Bela Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanieque Rex omnibus presentes litteras inspecturis salutem in omnium saluatore. Ad vniuiersorum noticiam tenore presencium volumus pervenire: quod cum post recessum Tartarorum pro revocandis juribus Castrorum indebite occupatis per totum Regnum nostrum diuersos judices misissemus, inter cetera super terra Barchan nominata, que Nitriensis Castri fuerat, contra filios Dame et Renoldi per jobagiones ejusdem Castri in presencia Magistri Prannay Judicis Curie domine Regine Comitis Nitriensis, dilecti et fidelis nostri, quem ad eundem Comitatum pro revocandis juribus Castri in judicem deputauimus, lis et contencio fuerat suscitata; filij autem dictorum Renoldi, et Dame in termino per dictum Magistrum Prannaium assignato, super donacione dicte terre Barchan per nos in permutacionem terre Buchk eis facta, nouum curauerunt nobis priuilegium exhibere, in quo habebatur, quod terra Buchk, quam Simone condam Bano notam infidelitatis incurrente, Rex Andreas pater noster felicis recordacionis Ladizlao - - - Comiti Bachiensi contulerat, et ab eodem Comite Ladizlao parentes ipsorum Renoldi scilicet et Dame filiorum propter suorum seruiciorum merita, fuerant consecuti, et nos Johanni filio eiusdem Simonis Bani misericorditer reddidimus; et in permutacionem ejusdem terre Buchk eis terram Barchan dederamus supradictam; supplicaverunt ergo nobis, ut eandem terram Barchan eis dimittere dignaremur. Nos itaque juticie gressibus adherentes, dicto Magistro Prannaio dedimus in mandatis, ut tam dictam terram Buchk, quam terram Barchan inspiceret, (et) si esset equalis permutacio inter easdem, tunc dictam terram Barchan eisdem filijs Dame et Renoldini dimitteret pacifice possidendam. Qui sicut nobis rescripsit, prefata terra Barchan terre Buchk iu qnantitate, et qualitate est equalis, imo quodammodo terra Barchan minoris valoris existeret, quam sit terra Buchk, prout in ejusdem Magistri Prannay litteris vldimus contineri. Peticionem ergo dictorum filiorum Dame et Renoldi in hac parte justam attendentes, presertim quia per privilegium nostrum (eorum) patri concessum nobis constitit, dictam terram Barchan eis in concambicem nos dedisse; quia ex suscepto regiminis officio sumus unicuique in sua debitores; prenotatam terram Barchan eisdem filijs Dame et Renoldi dimissimus perpetuo possidendam sub eisdem metis et terminis, quibus dictura Castrum dignoscitur possedisse; presentibus litteris nostris sigilli nostri dupplicis impressione munitis in testimonium confirmantes. Datum per manus Magistri Smaragdy Albensis Ecclesie Electi, aule nostre Vice-Cancellarij, dilecti et fidelis nostri; anno Domini millesimo ducentesimo, quinquagesimo quinto, Regui autem nostri anno vigesimo primo.

(Néhai Rajcsányi Ádám kézirati gyűjteményéből.)