Rolandus Palatinus et Comes Posoniensis, Vincencius Dei gracia Episcopus Nitriensis, omnibus presencium noticiam habituris salutem in salutis auctore. Quoniam processu temporum multa irritantur, necesse est res gestas scripto commendare, ut ex litteris cognoscant absentes, quod uisu didicere presentes. Proinde ad vniuersorum noticiam tam presencium quam futurorum harum serie volumus peruenire, quod cum ex mandato domini Bele Illustris Regia Petrus filius Myceta, Andreas filius Farcasij, Bolch filius Mathie, Bereyn de Ilka, Boda filius Dionisij de Zovvor, Florianus filius Bacha, Johannes filius Zumurchuk, Ivanka de Saap, et alij jobagiones Castri eiusdem, ac castrenses de villa Monar, Bon scilicet, Zeka, Berech, Pousa, ac cognati eorum, filios Manchonis, Antonium videlicet et Johannem, ac filios Hyze, Benedictum scilicet et Fylem, ac Petrum, in nostra conuenerunt presencia, et proponebant, quod terram Monar de iure Casiri existentem detinerent per indebitam occupacionem. Ad hoc iidem, in quos agebatur, taliter respondebant, quod illa terra ipsorum esset hereditaria, a primis progenitoribus eorum quiete et pacifice possessa, et metis antiquis designata. Subiunxerunt eciam, quod jobagiones Castri nominati tempore reuocacionis perpetuitatum in presencia Andree Judicis Curie domini Regis et Comitis Posoniensis, Johannis Prepositi tunc temporis Posoniensis, judicum a domino Bela Illustri Rege super iudicandis terris ejusdem Castri delegatorum ab eisdem requisissent; in cuius rei memoriam litteras eorundem judicum sub sigillis ipsorum talem tenorem continentes coram nobis exhibuerunt.

Johannes Posoniensis Prepositus stb. (következik a pozsonyi káptalannak 1236-ki bizonyságlevele, mint fentebb 16. sz. a.)

Vnde nos plene perlecto tenore illarum et plenius intellecto, terram Monar superius nominatam filiis Manchonis et filijs Hyze statuimus pleno iure pacifice possidendam, sicut per iudices fuit restituta memoratos; decreuimus eciam, ut ipsa, ne ipsa res tociens coram iudicibus uentilata per calumpnias successorum possit perturbari, si qui per jobagiones Castri memorati ausu temerario presumpserint de cetero attemptare, dignam recipiant mercedem calumpniatorum. Et ad eiusdem rei confirmacionem litteras presentes sigillorum nostrorum patrocinio communitas duximus concedendas. Datum Posonii in festo Sancti Nicolai anno Domini Mş CCş Lş quinto.

(Eredetie bőrhártyán, melyről a két kiküldött bíró pecsétjei zöld selyemzsinóron függnek, a budai kir. kamarai levéltárban.)