Philippus Prepositus et Capitulum Strigoniensis Ecclesie omnibus Christi fidelibus presencium noticiam habituris salutem in Domino Jesu Christo. Ad vniuersorum noticiam harum serie volumus peruenire, quod constitutis in presencia nostra personaliter Guge filio Petri de uilla Balan, et Ladizlao filio Adriani fratre suo ex vna parte, Luca filio Bugard de Sarov ab altera; dicti Guge et Ladizlaus terram suam hereditariam ad sex aratra sufficientem, quam habebant in terra Sarov, cum duobus molendinis in eadem terra sitis, et cum insula, nemore et fencto ad eandem terram pertinentibus vendiderunt prefato Luce et eiusdem heredibus ac heredum successoribus iure perpetuo possidendam pro quatuordecim marcis argenti, quas ipsi Guge et Ladizlaus confessi sunt plenaric recepisse coram nobis; et obligauerunt se iidem Guge et Ladizlaus, ut ipsum Lucam et eiusdem successores ab omnibus racione memorate terre impetere seu molestare volentibus defendere et expedire modis omnibus tenebuntur. Hoe eciam adiecto, quod prefatus Luca ipsam terram nulli alii vendere vel obligare sub titulo pignoris poterit, nisi Guge et Ladizlao supradictis, si ipsum Lucam necessitas vrgeret vel vtilitas induceret, seu voluntas. Vt igitur huins vendicionis ac empcionis series salua semper et inconcussa perseueret, nec possit ab aliquo hominum in posterum retractari, ad peticionem G. et L. prefatotum presentes concessimus litteras sigilli nostri munimine roboratas. Datum per manus Magistri Syxti Lectoris Ecclesie nostre anno Dominice Incarnacionis Mş CCş Lş quinto, nono kalendas Octobris.

A B C D

(Eredetie bőrhártyán, a vörös-kék selyemzsinóron függött pecsét elveszett, a budai kir kamarai levéltárban.)