A B C

Yurko Prepositus Quinqueecclesiensis eiusdemque loci Capitulum omnibus presens scriptum cernentibus salutem in Domino. Ad vninersorum tam presencium quam posterorum noticiam tenore presencium uolumus deuenire, quod Jacobus quondam filius Hedricy nostra confessus est in presencia, quod quicquid Laurencius uterinus frater ipsius cum Nana Comite super causa, que inter eos uertebatur pro ipsis duobus sexta feria ante Dominicam in Ramispalmarum, et in secunda inmediate subsequenti, nec non iu crastino Sancti Georgij ordinauerat, ratum habebat et firmum. Confessus est eciam pro se et pro ipso Laurencio in octaua Pentecostes, quod cum ipsi dotem sue sororis, relicte nobilis viri Pouse Comitis, patris Nane Comitis ibidem presentis, cum hominibus XI Jacobo, Nycholao, Petro, Chenkuez, Crachino, Boda et Dominico maribus, Rusa, Pucha, Mycha et Elisabet mulieribus, et rebus alijs secum ad dictum Pousam traductis, necnon eciam alijs, que ipsa domina de Bozna, suo cum filio Kartherio nomine, fratre ipsius Nane Comitis, ipsi Nane Comiti transmiserat, ab eodem Nana Comite repeterent, ipse Nana Comes secundum composicionem proborum virorum inter eos mediatorum, viginti septem marcas persoluens de argento, aureos mantelli taxillos, sertum et affixorium, duos anulos de auro, el chortinam, restituendo dictis fratribus, et super iamdictis XI capitibus hominum ita ordinando, quod solutis XIII marcis de argento Nane Comiti ab ipsius seruicio erunt libera, dum quilibet eorum pro sua rata soluat quandocunque poterit de illa pecunia suam partem, eisdem fratribus ita plenarie satisfecerunt, quod nec ipsi fratres, nec alius de generacione ipsorum, presens uel futurus ipsum Nanam Comitem, uel eius heredes et cognatos ualebit in posterum super iam dictis conuenire. Et si aliquis ipsum Nanam Comitem, uel eius heredes aut cognatos super memoratis infestare presumeret, ipsi fratres Laurencius et Jacobus tenentur cosdem ab impetente quolibet liberare. Quod ut ratum et firmum permaneat, ad instanciam precum eorundem fratrum presentem paginam nostri sigilli appensione roboratam conscribi fecimus rei geste memoriam continentem, anno Domini Mş CCş Lş quinto, mense Mayo; Tristano Cantore, Theodoro Custode, Wencezlao Decano, ceterisque quampluribus ibidem existentibus. Datum pemanus Magistri Petri Lectoris Quinqueecclesiensis.

(Eredetie bőrhártyán, melyről a káptalan pecsétje sárga-violaszinű selyemzsinoron függ, a budai kir. kamarai levéltárban.)