Bela Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanieque Rex omnibus Christi fidelibus presentes litteras inspecturis salutem in eo, qui est salus omnium. Officij nostri debitum nos ammonet inuigilare remedijs subditorum; quia dum eorum excutimus honera, dum scandala remouemus, nos in ipsorum quiete quiescimus, et pacis eorum commodo gratulamur. Proinde ad uniuersorum presencium posterorumque noticiam harum serie volumus peruenire; quod cum inter dilectum fidelem nostrum Herricum Comitem Symigiensem, et Castrenses de Garyg ex vna parte, ac jobagiones eiusdem castri in ipsa Garyg existentes ex altera, qui a tempore Regis Colomani karissimi fratris nostri pie recordacionis, et ante, in Garig (terras) possederant, super terminis terrarum suarum in nostra presencia questio uerteretur; volentes scandalum seu discordiam tollere de medio eorundem, ne in antea grauentur laboribus et expensis; predictum Herricum Comitem, qui vice sua Pangracium officialem suum de Garyg ad hoc deputauit, et Magistrum Benedictum Quinque-Ecclesiensem fidelem hominem nostrum pro metis eorundem distinguendis duximus transmittendos, ne processu temporum prefati jobagiones de terra castrensium valeant occupare, vel castrenses contra eosdem jobagiones occasionem seu materiam habeant querulaudi. Ex quibus uidelicet jobagionibus castri predicti mete terrarum Martini Comitis filij Tusk, ac fratris ipsius nomine Gord, que uulgariter Borsonouch nuncupantur, prout dictus homo noster Benedictus nobis retulit, prout eciam prefatus Pangracius per suas litteras intimauit, hoc ordine distinguntur. Prima meta incipit a parte occidentali sub vna arbore, que uulgo scylfa dicitur, circa quam est meta terrea antiqua, separans limites Grassancha a Garyg super vineam sacerdotis; deinde tam per vineas, per valles et colles eundo peruenitur ad metas sub arbore berekenefa super quandam vineam in monte; abhinc eciam per valles et colles vergit directe per magnum spacium ad duas arbores tulfa dupplicatas, sub quibus est meta iuxta magnam viam in monte, euntem ad castrum Garig; per ipsam itaque viam eundo satis longe in berch peruenitur ad locum, ubi exit de ea ad vnam semitam, et per eam, eundo similiter in berch exit ad quandam metam, et ab ea cadit in caput vallis nomine Horoustouch, et ulterius tenet metam cum filijs et cognatis Pestuani; de capite autem dicte vallis descendens parum ascendit in berch ad partem orientalem; inde per colles et valles eundo peruenitur ad metam sub arbore tulfa triplicata; deinde ad caput minoris Desniche, et per ipsam eundo inferius cadit in maiorem Desnicham, et in ea eundo exit ad metam terream in planicie, ibique relictis filijs Pestuani incipit tenere metam cum Wlcoy filio Borisa, et ibi cadit in paruam vallem, que ducit in riuulum Desnicha, et per eam eundo inferius exit ad quandam vallem ad partem orientalem, que similiter ducit superius ad berch ad metam terream; ibique cadit in magnam vallem, et in ipsa eundo inferius exit ad quandam vallem paruam, et per illam eundo exit ad berch uersus meridiem ad metam sub arbore nyrfa, iuxta terram Coyani descendit in vallem - -, et in ea eundo parum exit in vna modica ualle ad berch, et inde directe vadit ad metam sub arbore berekenefa; deinde iuxta terram Vde cadit in vallem nomine Predelech, et in ea eundo exit per quandam vallem paruam ad metam terream iuxta uiam, ibique per uiam eundo in berch peruenitur ad locum, ubi reflectitur uersus orientalem partem ad duas metas, quarum vna est Martini Comitis, altera Vde, ibique relicto Vde tenet metam cum Mortunus, et per planiciem directe eundo cadit in Desnicham in meta sub arbore de piro; et transeundo riuulum uadit inter duas antiquas sessiones directe ad montem ad duas metas, quarum vna est Martini Comitis, altera Mortun; deinde descendit in siccam vallem, et ibi tenendo metam cum Othmich procedit inferius usque ad locum, vbi exit in vna valle ad duas metas, quarum vna est ipsius Martini, altera Othmich iuxta viam; per viam autem eundo peruenitur iterum ad duas metas, quarum vna est Gordus fratris sui, altera predicti Otmich; inde cadit in quandam vallem, et per eam descendens cadit id riuulum Desnicha, et per ipsam eundo exit in vallem nomine Hymellinna (?), et vadit ad caput eiusdem, ibique sunt due mete, quarum vna Gordus, altera Stephani Vngari; inde ad uiam itar iterum ad duas metas; abhinc per uiam eundo uersus meridiem peruenitur ad duas metas, quarum vna est Gordus, altera Stephani; deinde iuxta siluulam per paruam uallem descendit ad metam sub arbore gertanfa; abhinc iuxta fenetum ipsius Gordus per metas in nemore eundo cadit in Gruseuch, qui distingit limites Grassanicha et Garig; per Crusseuch autem eundo peruenitur ad caput eiusdem iterum ad metam ipsius Martini Comitis, ibique sub quadam vinea progrediens cadit in magnam viam, et per ipsam eundo longe in berch peruenitur ad metam sub arbore tulfa; et abhinc per vallem cadit in Lesnam, et per aliam vallem ascendit ad magnam viam ad metam antiquam communem inter Grassanicham et Garig, ibique transeundo viam per vnam vallem ex parte occidentis descendit in Cotynnam et transeundo eam ad duas arbores de cerasis vadit ad montem ad metam sub arbore nucum; inde per berch progrediens per longum in latere vnius mentis descendit ad metam sub arbore buzfa; abhinc ad arborem berekenefa; deinde per valles et colles prope sessiones ipsius Martini vadit ad vineam Jelk, et inde directe ad priorem metam, vbi fuit incepta, ibique terminatur. Vt igitur predictus Martinus, et frater ipsius Gordus, ac eorum heredes; et sepedicti castrenses, qui contra ipsos agebant, pace perpetua gratulentur, presentes litteras in testimonium perpetue firmitatis dari fecimus, sigilli nostri duplicis munimine roboratas. Datum per manus Magistri Smaragdi Albensis Ecclesie Prepositi aule nostre Vice-Cancellarij dilecti et fidelis nostri, anno Domini Mş CCş LVIş quarto Idus Nouembris, Regni autem nostri anno vicesimo secundo.

(Eredetie bőrhártyán, melyről a kettős pecsét töredéke vörös-sárga zsinóron függ, a főmélt. hg. Batthyáni levéltárában.)