A B C D

Capitulum Ecclesie Beati Petri de Posaga omnibus presentem paginam inspecturis salutem in Domino sempiternam. Ad vniuersorum noticiam harum serie volumus peruenire, quod accedens ad nostram presenciam Bylota terram tenens filius Bolk ex una parte; ex altera uero Demetrius filius Predrag, Dragota filius Dragan terram tenentes, in nostra presencia astiterunt. Idem Bylota confessus est, se coram nobis terram quandam suam Lusan nuncupatam precio comparatam de Wulkota jobagione Castri nostro testimonio mediante, quam terram idem Wulcota ante aduentum Tartarorum optinuerat, ex consensu Bele fratris sui et uoluntate Wulcota supradicti, Demetrio et Dragota supradictis vendidisse pro triginta tribus pensis ad compotum frisaticorum in argento, equis et bobus, coram nobis integraliter persolutis, imperpetuum pacifice possidendam. Cuius terre processus talis est, quod incipit ab Oriaua de terra Remunt versus aquilonem; et abinde tendit in sicca valle ad siluam, que sicca vallis est pro meta supradictis Demetrio et Dragota cum Bylota in Scelca; item tendens in magno spacio per ipsam siccam valem, et peruenit ad magnam stratam Regalem, et transit ipsam viam Regalem versus meridiem in fine cuiusdam planiciei; deinde tendit versus orientem, et sic peruenit in Oriauam, in qua eundo superius ad priorem metam, vbi est Nenina mlaka. In cuius rei memoriam et certitudinem pleniorem presentes litteras ad peticionem dicti Bylote supradictis Demetrio et Dragota munimine nostri sigilli contulimus roboratas. Actum anno gracie Mş CCş quinquagesimo sexto.

(Eredetie bőrhártyán, melynek zöld-fejér selyemzsinóron fügött pecsétje elveszett, a budai kir. kamarai levéltárban.)