Capitulum Ecclesie Zagrabiensis vniuersis presencium noticiam habituris salutem in Domino Jesu Christo. Ad vniuersitatis noticiam harum serie volumus peruenire, quod cum Magister Bernaldus phisicus domini Bele Regis Hungarie cum litteris preceptorijs eiusdem domini Regis, vt nos vna cum ipso hominem nostrum ydoneum, coram quo prescriptus homo Regius possessionem Glaunicha vocatam, que quondam Velizlay sine heredum solacio sexus virilis decedentis fore dinosscebatur, simul cum possessionibus castrensium in eadem Glaunicha existentibus, collacioni Regie pertinentes, Comiti Pertlino Capitaneo Graciensi per ueteres metas et antiquas, conuocatis commetaneis et vicinis rite et legitime reambulatam, prout in dictis Regalibus continebatur, perpetuo possidendam assignaret, si non foret contradictum; contradictoribus autem ydem homo Regius presente homo nostro in eiusdem domini B. presencia comparendi terminum competentem assignaret. Cumque nos precepto et mandato Regio obtemperantes vnacum prescripto Magistro Bernaldo phisico domini Regis et Concanonico Ecclesie Budensis, Nycolaum et Paulum Magistros Concanonicos Ecclesie nostre predicte transmisissemus; prescriptus tandem homo Regius cum predictis socijs nostris et Concanonicis, nec non Comite Nicolao Vice-Comite de Morowcha per Stephanum Banum tocius Sclauonie ad hoc specialiter deputato, ad nos redeuntes, vnanimiter nobis et concorditer retulerunt, quod ipsis feria quinta proxima post octauas Passce Domini super faciem dicte possessionis Glaunicha accedentibus, eandem rite et legitime omnibus vicinis et commetaneis conuocatis, et ipsis non contradicentibus, ymmo pocius assensum beniuolum eidem Comiti Pertlino prebentibus in hac parte et consensum, per cursus harum metarum: Incipit enim prior et principalis meta a parte aquilonis in monte Feketew dicto; vnde in supercilio monticuli wlgariter Beerch dicti inter fluuios Glaunicha vocatos, Maiorem scilicet fluuium Glaunicha et Minorem, qui quidem mons extenditur ab aquilone orientem uersus; secundoque in supercilio eiusdem montis longo spacio venitur ad quandam arborem castanee in tergo eiusdem montis, sub qua est meta terrea; abhinc adhuc tendit in eiusdem monticuli tergo longo spacio, et venitur ad arborem ilicis, vbi est meta terrea; abhinc eundo per spacium lungum descenditur de monticulo, veniturque ad arborem populeam, vbi fiuuius Glauniche Minor coniungitur Maiori fluuio Glauniche, vbi est meta terrea; quarum omnium metarum pars remanens ex parte fluuij Minoris Glauniche, pertinet ad nobiles, parte vero ad fluuium Maioris Glaunice existente, cedente et remanente Comiti Pertlino antedicto, in palude nempe Maioris Glauniche; paulisper contra cursum aque eundo exitur de palude, et uenitur ad arborem nucis, vbi est meta terrea; exhinc adhuc tendit per quandam planiciem; deinde asscendit in monticulum, qui est inter fluuios Glaunicha et Blagusa vocatos; eundoque per tergum eiusdem montis venitur ad arborem piri siluestris, vbi est meta terrea; deinde per longum spacium uersus aquilonem eundo venitur ad metam terream; adhuc tendit aquilolonem versus per siluam spacio longo, et venit ad quandam metam secus metam principalem erectam sub arborem abiei; et ibi terminantur possessionis antedicte mete. Quarum omnium metarum pars existens ex parte fluuij Glaunicha pertinet Comiti Pertlino antedicto, reambulatam idem homo Regius presentibus dictis socijs et Concanonicis nostris, nec non dicto Comite Nicolao Vice-Comite de Moroucha statuisset et assignasset cum omnibus vtilitatibus et pertinencijs suis quibuslibet, terris arabilibus, siluis, pratis, fluuijs et locis molendinovum, in perpetuum et irreuocabiliter possidendam, tenendam pariter et habendam, contradiccione quorumlibet commetaneorum et vicinorum dicte possessionis, vt premisimus, non obstante, Comiti Pertlino et posteritatibus descedentibus ab eodem. In cuius rei memoriam et perpetuam firmitatem presentes concesimus litteras sigilli nostri munimine roboratas. Datum in quindenis Passce Domini anno eiusdem Mş ducentesimo quinquagesimo sexto.

(Eredetie bőrhártyán a káptalannak zöld selyemzsinóron függő pecsétje alatt a budai kir. kamarai levéltárban. Ugyanott őriztetik az okmánynak a székesfehérvári káptalan által készült 1330 „secundo die festivitatis Beate Marie Magdalenae” kelt átirata is, melyet kért „Georgius Officialis Magistri Andree filij Merlyn, Castellani de Symunturnya, vice et nomine Magistri Johannis filij Hench Rectoris Noni Montis Pestiensis, et predicti Magistri Andree Domini sui.”)