Capitulum Zagrabiensis Ecclesie omnibus presens scriptum inspecturis salutem in Domino. Ad uniuersorum noticiam harum serie uolumus peruenire, quod constitutis in nostra presencia ab una parte Gurk filio Ochuz quondam Bani, et ab altera Egidio officiali Comitis Michaelis fratris magni Buzad pro ipso Coraite Michaele; idera Egidius secundum quod eciara littere domini sui, quas nobis exhibuit, sub sigillo notorio astruebant, dominum suum, Comitem scilicet Michaelem, terram Zebusce cum octo uillis, quam terram ibidem Michael Comes receperat de genero suo Gurk antedicto in concambio pro terra Nedeliche cum quinque uillis; item uillam (? talán „terram”) Sancte Crucis cum tribus uillis, quas ab eodem Gurk titulo possederat empcionis, confessus est reddidisse predicto Gurk iure perpetuo possidendas in concambio pro quatuor uillis Comor sub una meta constitutis; et quod addidisset eidem Gurk racione concambij et precipue dileccionis, qua sibi tenebatur, nonaginta et quatuor marcas. Quod concambium idem Gurk assistens personaliter approbanit, insuper taliter (se) obligando, qnod si per aliquam questionem uillas antedictas, quas Gurk dedit Comiti Michaeli, amitti contingeret, idem Gurk tantum de terra sua hereditaria aliunde ipsi Michaeli Comiti dare teneatur, et nichilominus predicte pecunie refundere quantitatem. In cuius rei testimonium presentes litteras contulimus sigilli nostri munimine roboratas. Datum per manus Magistri Michaelis Lectoris Ecclesie nostre anno Domini Mş CCş Lş sexto.

(Eredetie bőrhártyán, melyről a káptalan pecsétje vörös selyemzsinóron függ, a budai kir. kamarai levéltárban.)