Nos B. Dei gracia Rex Vngarie memorie commendantes significamus vniuersis, quod accedentes ad nostram presenciam fideles nostri Comes Zochud et Serefeel, ac fratres eorundem filij Cunta nobis exposuerunt, quod ipsi instrvmenta seu litteras, quas habebant super facto terre Buguna, quam per Cuntam patrem ipsorum a Cosma et Petro filijs Hemyruh de villa Zelechen dicebant iusto empcionis titulo fuisse comparatam, super qua empcione nostrum priuilegium se habere asserebant, casualiter amisissent, petentes a nobis, ut hominem nostrum ydoneum super ipsam terram mitteremus, qui uideret, utrum predicti Zochud et fratres sui essent in pacifica possessione terre memorate. Nos igitur ad peticionem eorundem fidelibus nostris Capitulo Nitriensi dedimus in mandatis, ut duos ex ipsis, personas ydoneas, super ipsam terram transmitterent, qui uiderent, utrum prefati Zochud et fratres sui sint in pacifica possessione ipsius terre, et id nobis postmodum, ac cursum metarum eiusdem terre debeant remandare. Ijdem itaque fideles nostri Capitulum antedictum rescripserunt nobis, quod duos ex eis ydoneos super ipsam terram transmisissent, qui presentibus omnibus commetaneis et uicinis, nullo contradictore existente, inuenissent eosdem Zochud et fratres suos in pacifica possessione terre supradicte. Cuius quidem terre mete, prout in litteris eiusdem Capituli contineri uidimus, hoc ordine distinguntur: Prima meta incipit a parte occidentali in aqua Baluva nomine, et ibi sunt due mete antique, et due de nouo erecte; et inde asscendendo transit magnam uiam descendentem a uilla Degce uocata; deinde uadit uersus orientem iuxta terram alterius Baguna, villam videlicet crvciferorum; et inde transit per terram arabilem, et uenit usque aliam magnam uiam uenientem a Uitunche; quam transeundo intrat fructeccum, quod wlgo harastdicitur, et ibi sunt tres mete antique et tres noue; postmodum descendit ad uallem, quam transit, et ascendit ad latus cuiusdam collis, et ibi conterminatur terre Sancti Viti; inde uersus partem meridionalem transeundo cum tribus metis antiquis et nouis tenet metam cum terra ville Swk Teutonicorum hospitum Castri Nitriensis; inde transit cum metis antiquis et nouis super vallem quandam, et conterminatur terre alterius Swk, que videlicet est villa Cruciferi de Manga; postmodum descendit iuxta terram Bund Zulga-Jauriensem uersus occidentem, et ad eandem aquam, unde inceperat, terminatur. Vt igitur huius rei series robur optineat perpetue firmitatis presentes eisdem Zochud et suis fratribus dedimus litteras nostro sigillo roboratas; prout prius eciam eisdem tempore reuocacionis perpetuitatis super facto dicte terre nostrum priuilegium dederamus. Datum anno Domini Mş CCş Lş octauo.

(Eredetie bőrhártyán, melynek hátán az oda nyomott királyi pecsétnek töredéke még megvan, a budai kir. kamarai levéltárban.)