Nos Capitulum Wesprimiensis Ecclesie damus pro memoria, quod Gregorius filius Petri coram nobis constitutus pro se, et pro Petro Comite fratre suo, Felderico, Sur et pro Andrea fratribus suis assernit viua voce, quod cum ipse et prenotati fratres sui mouissent causam contra Abram et Renoldum filios Miska Comitis, requirendo ab eisdem dotem et res parafernales domine Margarete sororis ipsorum, scilicet dicti Petri Comitis proximioris Miska Comitis coram domino nostro Z. Episcopo Wesprimiensi, eadem tamen secundum sentenciam predicti domini nostri Episcopi taliter extitit ordinata, quod filij Miska Comitis soluerunt uiginti et quinque marcas coram nobis pro dote et rebus parafernalibus domine Margarete supradicte, et sic idem Gregorius sibi et fratribus suis prenotatis pro dote et rebus parafernalibus dicte domine dixit fuisse satisfactum; ita, quod de cetero nec ipse Gregorius, nec fratres sui predicti, nec quisquam de cognatis ipsorum predictos filios Miska Comitis racione dotis et rerum parefarnalium prefate domine poterit impetere seu molestare. Datum quarta feria proxima post octauas Sancti Michaelis anno Domini Mş CCş Lş octauo.

Kivűl: Super expedicione dotis vxoris Miska Comitis.

(Eredetie bőrhártyán hátúl odanyomott pecséttel, a főmélt. hg. Batthyáni család levéltárában.)