Nos Stephanus Dei gracia Rex, primogenitus Illustris Regis Hungarie, et Dux Styrie, tenore presencium significamus vniuersis, quod nos consideratis fidelitatum meritis et seruiciorum Eberhardi fidelis ciuis nostri de Marpurg, que domino Regi charissimo patri nostro et nobis studuit inuiolabiliter obseruare; nos in recompensacionem seruiciorum eiusdem, qui licet plura mereatur, in villa Walcuim decem mansos, in villa Chost quatuor mansos, ot in villa Vdal duos mansos cum pertinenciis eorundem, sibi in feudum et in perpetuum contulimus pleno iure et in filios filiorum. Et vt huiusmodi nostre donacionis series robur obtineat perpetue firmitatis, presentes nostras litteras eidem contulimus duplicis sigilli nostri munimine roboratas. Datum anno ab Incarnacione Domini millesimo ducentesimo quinquagesimo nono.

(Göth G. után. Mittheilungen des historischen Vereins für Steiermark. V. füzet. Gratz, 1854. 214. l.)