Capitulum Vesprimiensis Ecclesie omnibus presentes litteras inspecturis salutem in omnium saluatore. Ad uniuersorum noticiam tenore presencium uolumus peruenire, quod domina filia Johahini Comitis de Leurenta, relicta Alexandri filij Elie de Toufeu coram nobis constituta asseruit uiua uoce, se mouisse causam contra Thomam fratrem dicti Alexandri, requirendo ab eodem dotem suam et res parafernales; ac eandem causam sedasse, et secundum formam pacis triginta sex marcas pro dote sua et rebus parafernalibus ab ipso Thoma plenarie recepisse; et sic eadem domina de dote sua et rebus parafernalibus dixit sibi fuisse plenarie satisfactum, ita quod de cetero nec ipsa domina, nec heredes sui, nec quisquam de cognatis ipsius racione dotis sue et rerum parafernalium dictum Thomam uel eius heredes aut cognatos poterit inpetere seu molestare. In cuius rei testimonium presentes litteras concessimus sigillo nostro roboratas. Datum per manus Magistri Roberti Lectoris Ecclesie, anno gracie Mş CCş Lş nono. Venerabili in Christo patre nostro Zalaldo Episcopo, Fauo Preposito, Lodomerio Cantore, Johanne Custode existentibus.

(A zalavári konventnek 1314-ki átiratából, melyet kértek „Lorandus et Laurencius filij Benedicti do Thoufeu ab una parte; Comites Absolon et Alexander filij, Absolonis, Micahel et Nicolaus filij Nicolai ab altera; et dominus Abbas de Chathar nomine mediatoris inter partes”; a budai kir. kamarai levéltárban.)