Nos Nicolaus de Gara Regni Hungarie Palatinus et Judex Comanorum stb., quod cum Georgius filius Pauli, et Mychael filius alterius Pauli de Kezew, dominum Symonem filium Konye Bani de Zechen et Nicolaum filium suum super eo, quod ipsi Symon et Nicolaus per jobagiones eorum de Neklyuch quandam terram ipsorum Nogmezew vocatam ad possessionem eorum Kezew predictam rite ab antiquo pertinentem pro se ipsis occupari et seminari fecissent potencia mediante, contra se in causam conuenissent stb.; (az alperes a maga igazolásáúl többi közt felhozza) litteras Capituli Budensis priuilegiales in vigilia festi Beati Thome Apostoli anno Domini millesimo quadringentesimo octauo editas, transscribentes de verbo ad verbum tenorem litterarum domini Bele Regis quarti anno Domini millesimo ducentesimo sexagesimo, Regni autem sui anno vigesimo quinto subortas demonstrarat, quarum quidem litterarum ipsius domini Bele Regis tenore inter alia taliter habebatur: Item meta terre Trebgozd incipit a parte orientali de Zeppatak, et vadit ad arborem, que dicitur twlfa, sub qua est meta terrea, et ibi tenet metam cum Chalamia; hinc ascendit ad berch ad metam terream; inde descendit ad plagam meridionalem, transit per vallem, et vadit ad metam terream; inde vadit ad occidentem ad berch, et ibi sub quercu est meta terrea, et ibi separantur mete de Chalamia et Iuan; inde a parte Iuan super berch vadit vsque metam terream; hinc descendit ad vallem, vbi est meta terrea; inde progreditur vsque portam Farkasij, vbi est meta; inde descendit per Zeppatak, et tenendo metam cum Comite Cosma vadit ad priorem metam stb. stb. Datum Bude quinquagesimo die festi Epiphaniarum Domini anno eiusdem millesimo quadringentesimo decimo octauo.

(Eredetie bőrhártyán, a budai kir. kamarai levéltárban.)