Nos Nicolaus Konth Regni Hungarie Palatinus et Judex Comanorum stb., quod cum nos pro compescendis furibus, latronibus et quibusuis malefactoribus eradicandis, ac cunctis querulantibus iusticia impendenda Vniuersitati Nobilium aliorumque cuiusuis status et condicionis hominum Comitatus Zaladiensis secunda feria proxima ante festum Beati Jacobi Apostoli prope villam Mandhyda Congregacionem celebrassemus Generalem, in eadem Congregacione nostra Laurencius filius Petri de Boxa, et Johannes filius Nicolai filij Jonas frater eiusdem patruelis - - (Pacha nevű birtokra vonatkozólag) - - - quam nunc Stephanus de Pacha indebite occupando conseruaret - - - quasdam litteras priuilegiales domini Stephani olym Bele Regis primogeniti, Ducis Transsiluani et Styrie ac domini Comanorum, in anno Domini Mş CCş LXş emanatas presentauit, inter cetera exprimentes: quod idem dominus Stephanus Dux Stephanum et Mark filios Ine jobagionis Castri Zaladiensis, propter multiplicia seruiciorum merita eorundem in conspectu oculorum sue Ducalis Maiestatis inpensorum, cum Jona fratre, ac Vydus, et cognatis et propinquis eorundem a jobagionatu Castri Zaladiensis, simul cum terris suis, quas sine preiudicio juris alieni possedissent, eximendo, in numerum et cetum Nobilium Seruiencium Regalium duxisset transferendos; committens, vt tam ipsi, quam eorum heredes et heredum suorum successores ea gaudeant libertate, qua et ceteri Regni sui Nobiles Seruientes Regales dinosscerentur gratulari; terram eorum per Gothardum de Choby hominem suum sub testimonio Conuentus Zaladiensis ab aliorum terris metarum in eodem priuilegio expressarum distinccionibus separando stb. - - Datum septimo die Congregacionis predicte anno Domini millesimo trecentesimo quinquagesimo quarto.

(Eredetie bőrhártyán, a budai kir. kamarai levéltárban.)