(N)os Emericus Prepositus et Conuentus Monasterij Sancte Crucis de Bw vniuersis Christi fidelibus tam presentibus quam futuris salutem in omnium saluatore. Ad uniuersorum noticiam harum serie uolumus peruenire, quod nobilis domina nomine Maria filia Johannis de Barat, consors Comitis Wgra filij Ipoliti de Ilye cum eodem Comite Wgra marito suo personaliter ad nostram accedens presenciam confessa est uiua uoce, quod cum ipsa heredum prolis careret solacio, cuncta prospiciens, quod iam tempus sibi perueniret volens quam ipsa a tempore preueniatur, talem duxit facere ordinacionem, quod dotem suam et res parefernales, ac seruos et ancillas secum adductas de sua bona uoluntate, tam ob dileccionem federis coniugalis, quod cum eodem marito suo protraxit et protraheret, donec uiueret, ne ipsum, quem uiuentem diligit, in persona fratrum et cognatorum suorum mortuum dampno aliquo consequatur, quam eciam propter fauorem et dileccionem fratrum dicti Comitis Wgra mariti sui reuerenter sibi inpensam, ipsi Comiti Wgra marito suo karissimo relaxasset et ad plenum remisisset omni liti et accioni, que in futurum attemptarentur susscitari, renunciando, et penitus irritas ac friuolas reputaudo; ymo eundem maritum suum ac suos successores reddendo expeditos et pariter absolutos. Vt igitur huius ordinacionis et relaxacionis series rata semper et inconcussa permaneat, nec processu temporis per quempiam in irritum possit reuocari, ad instanciam predicte domine litteras nostras concessimus nostro sigillo (így) munimine roboratas. Datum anno Domini millesimo CCş sexagesimo.

(Eredetie bőrhártyán a Csepcsányi-féle gyűjteményben, a M. Akadémia kézirattárában.)