Bela Dei gracia Hungarie, Dalmacie, Croacie, Rame, Seruie, Gallicie, Lodomerie, Bulgarieque (így) Rex omnibus Christi fidelibus presentem paginam inspecturis salutem in Domino. Eximia uirtus indefesse fidelitatis merito postulat et requirit, quod remuneracionis prerogatiua gaudeat et fruatur, quie dum fideles sui uoti metas nanciscuntur, alij eorum exemplo edocti ad fidelitatis opera vbique exercenda feruencius accinguntur. Proinde ad uniuersorum noticiam tam presencium quam futurorum harum serie uolumus peruenire: Quod nos, cui ex officio suscepti regiminis incumbit meriti (így „metiri” helyett) merita singulorum, et dignis pro meritis respondere donatiuis, commendabilem fidelitatem et meritoria obsequia Ipoliti filij Chuda de Wasard dilecti et fidelis nostri attendentes, qui varijs casibus fortune se intrepide vbique pro nobis laudabiliter opposuit, et specialiter in memoriam reducentes, cum nos in Marhyk (Marchek) iuxta fluuium Morua cum Octokaro Rege Boemorum capitali inimico nostro bellum et conflictum habuissemus generaliter pro nostra et Corone Regie deffensione idem Ipolitus uiriliter dimicando multos ex nostris hostibus varijs plagarum afficiens doloribus crudeliter interemit, ac demum laudabiliter preliando letalia uulnera multis uidentibus ipsum contingit sustulisse, et alijs relinquentibus in fugam conuersis ipse nobiscum continue permansit fidelitatis opera exercendo. Hijs meritorijs seruicijs et obsequiosis fidelitatibus predicti Ipoliti consideratis, quandam terram Wrunskap uocatam de terris castri Nitriensis exemptam cum omnibus vtilitatibus et pertinencijs ad candem terram spectantibus, eidem Ipolito et per eum suis heredibus heredumque successoribus dedimus, donauimus seu contulimus iure perpetuo et irreuocabiliter pacifice possidendam. In cuius terra possessionem predictum Ipolitum introduci et 5metarum situaciones et circumstancias predicte terre Magistro Mauricio Comiti Nitriensi precepimus ostendendas, qui ad nos rediens de predicte terre metis et signis nos certificauit, que a parte orientali terra Petri filii Danela, a parte meridionali Haloskap, a parte occidentali villa Laurencij nomine Kap, a parte septemtrionali terra Capituli Nitriensis. Vt igitur nostre donacionis hec liberalitas robor obtineat perpetue firmitatis, nec possit nostris, nostrorumque successorum temporibus per quempiam in irritum reuocari, presentes in perpetuam donacionis facte memoriam concessimus litteras nostras dupplicis sigilli nostri munimine roboratas. Datum per manus Magistri Pauli Prepositi Albensis Ecclesie aule nostre Vice-Cancellarij dilecti et fidelis nostri. Anno Domini M°CC°LX° primo, Regni autem nostri anno vicesimo septimo.

(Eredetie bőrhártyán, a pecsét elveszett; közölte velem Ipolyi Stummer Arnold. Hiányosan közzé téve Fejér által Cod. Diplom. IV. köt. 3. r. 48. l.)