Benedictus Diuina miseracione Sancte Strigoniensis Ecclesie Archiepiscopus, aule Regie Cancellarius, omnibus presentes litteras inspecturis salutem in uero salutari. Ad uniuersorum noticiam uolumus peruenire, quod cum meliora perspexissemus Ecclesie nostre imminere, ex eo, quod permutacionem 13cum domino nostro B. Illustri Rege Vngarie super quadam terra Capituli nostri, Inev vocata, sita iuxta Danubium, cum libertinis ibidem existentibus faceremus; habita deliberacione unacum eodem Capitulo nostro, cum consilio et consensu corumdem, ipsam terram Inev cum prefatis libertinis, permutauimus cum predicto domino nostro Rege pro terra Zalka prope uillam nostram Boyta nuncupatam, pragmatica sanccione super hac promulgata; et ordinauimus de eadem uilla nostra Zalka, ut dictum Capitulum nostrum uiginti marcas tam de terregio, quam de alijs percipere debeat annuatim, cum racione permutacionis ius in re habeat. Judicium uero tam in spiritualibus, quam in temporalibus Archiepiscopus, uel is, quem pro tempore constituerit, exercere possit et debeat in eadem. In cujus rei memoriam et perpetuam firmitatem presentes concessimus litteras sigilli nostri munimine roboratas. Datum Strigonij anno Domini M°CC° sexagesimo primo.

(Az eredeti után Knauz Nándor, Magyar Sion II. köt. 783. l.)