Bela Dei gracia Rex Hungarie, Dalmacie, Croacie etc. fidelibus suis Capitulo Ecclesie Agriensis salutem et graciam. Dicit nobis Martinus Lythwa filius Magij de Koxo, quod ipse metas eiusdem possessionis Koxo metarum signis a uicinis et commetancis suis uellet separare. Quare fidelitati uestre firmiter precipiendo mandamus, quatenus unum ex nobis mittatis, quo presente Stephanus filius Chepan de inferiori Koxo alijs absentibus homo noster accedat ad faciem possessionis Koxo predicti Martini, ut dicitur, in Comitatu Aba Wywariensis existenti (így) vicinis et commetaneis suis vniuersis legitime conuocatis, cum quibus et coram quibus vniuersas certas metas eiusdem possessionis Koxo pergirando, et ubi necesse fuerit nouas metas erigendo et signis metarum consignando, si non fuerit contradictum, contradictores uero, si qui extiterint, extunc illos ibidem contra eundem Martinum nostram citend (így) in presenciam ad terminum competentem; et posthec qualicunque modo diffinicio ueritatis nobis extiterit, nobis in litteris vestris fideliter rescribatis. Datum in Torna feria quinta proxima post festum Sancti Stephani Regis anno Domini M°CC°LX° secundo.

(Az egri káptalannak ugyan 1262-ki bizonyságleveléből, mint alább 26. sz. alatt, a Bárczay családnak levéltárában; gyanús.)