Bela Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanieque Rex vniuersis presentes litteras inspecturis salutem in omnium saluatore. Ad vniuersorum noticiam tenore presencium volumus peruenire, quod Jank et Paulyk filij Sudrun, unacum cognatis suis, videlicet 56Krupech, Rubyna, Mylozt, Mladen, Tyuan, Pemlad, Zuntar et Potuh de villa Churnok ad nostram accedentes presenciam supplicando proposuerunt, quod cum ipsi sint hospites, et uoluntarie quinque in piscacionis, quinque in uenacionis officio nobis seruierint, propter que quidem seruicia mercedem condignam consueuerunt ex parte nostra reportare; ne in posterum contra ipsorum libertatem propter huiusmodi seruicia nobis inpensa aliquid inpingatur, supplicarunt, vt eorum statum et libertatem nostro dignaremur priuilegio confirmare. Nos igitur ipsorum iustis peticionibus inclinati ipsorum liberum statum et libertatem illibatam auctoritate presencium confirmamus adicientes, et unus ex ipsis ad exercitum nostrum; cum fieri contigerit, nobiscum debeat. In cuius rei memoriam et perpetuam firmitatem presentes concessimus litteras sigilli nostri munimine roboratas. Datum per manus Magistri Farcasij Electi Albensis Ecclesie aule nostre Vice-Cancellarij dilecti et fidelis nostri anno Domini M°CC°LX° tercio, Regni autem nostri anno vicesimo octauo.

(Eredetie bőrhártyán, melynek pecsétje elveszett.)