Capitulum Vesprimiensis Ecclesie omnibus presentes litteras inspecturis salutem in Domino sempiternam. Ad vniuersorum noticiam tenore presencium volumus peruenire, quod Hunth et Syke filij Comitis Petri de Berend pro se et pro duobus fratribus ipsorum, Gregorio videlicet et Sebastiano coram nobis personaliter constituti, quendam sernum ipsorum nomine Chumur in nostri presencia personaliter statutum, Chelleo de Eyka pro tribus marcis et media plene ab eodem receptis, uendiderunt perpetuo possidendum; ita quod de cetero nec ipsi Hunt et Gregorius, Syke aut Sebastianus, nec ipsorum heredes aut cognati predictum seruum aut eiusdem posteritates a predicto Chelleo uel eiusdem heredibus poterunt requirere, uel aliquam super eo mouere questionem. Si autem aliqui racione seruitutis eiusdem serui contra ipsum Chelleum litem excitarent; extunc ipsi Hunt, Syke, Gregorius et Sebastianus debent expedire 78ipsam litem. In cuius rei testimonium presentes concessimus litteraa sigillo nostro roboratas. Datum anno gracie millesimo CC° sexagesimo tercio. Reuerendo domino nostro et venerabili in Christo patre Paulo Episcopo Ecclesie nostre. Fauo Preposito, Paulo Cantore, Johanne Custode, Paulo Lectore existentibus.

(Eredetie bőrhártyán, melyről a káptalan pecsétje hártyazsinegen függ; közölte Thaly Kálmán.)