Jacintus Diuina miseracione Prepositus Hantensis et iconomus venerabilis patris Pauli Dei gracia Episcopi Wesprimiensis, omnibus presentes inspecturis salutem in Domino sempiternam. Noticie singulorum presentibus declaramus, quod cum Jacobus filius Hernici (így) de villa Vrs requirendo ab eisdem terras Symonis et vineam in Vrs existencia, quarum uidelicet terrarum et vinee medietatem idem Jacobus dicebat precio sibi comparasse, et alteram medietatem per socrum suam, cum eadem decederet, sibi relictam, exclusis decem iugeribus, terrarum, que socrus sua, uxor prenotati Symonis, quinque filiabus suis reliquerat; et ijdem Gregorius et Benedictus ex aduerso proponerent, quod eandem terram Symonis ac vineam equali diuisione inter ipsos diuidere deberent, cum et ipsi essent sponsi eiusdem Symonis; tandem nos probacionem predicto Jacobo indixissemus super eo, quod proposicionem suam cum parochiali sacerdote confessore socrus sue probare deberet; et cum alijs termino adueniente idem Jacobus cum predicto sacerdote, et cum alijs viris probauit coram nobis. Vnde nos eandem terram et vineam, exclusis decem iugeribus terrarum predictarum, eidem Jacobo statuimus 79inperpetuum possidendam: adiciendo iuxta attestacionem dicti sacerdotis confessoris sue socrus, quod idem Jacobus unum psalterium de vinea et terris, uel precio earundem, aut pecunia ad ecclesiam Sancti Ladizlai de eadem villa emere tenetur pro remedio anime socrus sue; ita quod de cetero nullus de cognacione predicti Symonis, vel socrus sue, aut alius racione vince et terrarum possit eundem Jacobum vel heredes suos in aliquo molestare. In cuius rei testimonium presentes concessimus litteras nostras nostri sigilli munimine roboratas. Datum anno Domini millesimo ducentesimo sexagesimo tercio feria tercia proxima post festum Exaltacionis Sancte Crucisi

(A veszprémi káptalan 1268-ki átiratából, mint alább.)