Bela Dei gracia Hungarie, Dalmacie, Crouacie, Rame, Seruie, Gallicie, Lodomerie, Cumanieque Rex omnibus presens scriptum inspecturis salutem in omnium saluatore. Ad uniuersorum noticiam tam presencium quam futurorum tenore presencium uolumus peruenire; quod cum Tyburcius de Scepus quandam siluam suam inter fluuios Toplicha et Donkpotoka uocatas, ad aperiendum pro usu suo a nobis petiuisset sibi dari, et nos litteras nostras fideli nostro Detrico Comiti de Scepus misissemus, ut eandem dicto Tyburcio assignaret; Jordanus filius Boch, qui super predicta silua eidem Tyburcio contradixit, ad nostram accedendo presenciam, exhibuit nobis litteras confectas super conposicione facta inter ipsum Tyburcium et Jordanum antedictum super silua memorata; in quibus patuit, nos medietatem dicte silue a portu Toplice, qui est supra pontem uille Harabisa a parte occidentali, et medietatem silue Donkpotoka, que Wezueris nuncupatur, iuxta magnam viam a parte orientali, iam dudum Jordano antedicto secundum formam dicte conposicionis inter ipsum et predictum Tyburcium contulisse. Quam collacionem prius per nos ipsi Jordano factam nolentes reuocare, seu eciam inmutare, 91 predictam siluam secundum formam predicte conposicionis presente Detrico Comite de Scipus memorato ad usum Jordani dimisimus antedicti. In cuius rei memoriam presentes concessimus litteras dupplicis sigilli nostri munimine roboratas. Datum per manus Magistri Farcasij Electi Albensis, aule nostre Vice-Cancellarij dilecti et fidelis nostri, anno Domini millessimo CC° sexagesimo quarto, Regni autem nostri anno vicesimo nono.

(Eredetie bőrhártyán, a sárga-vörös selyemzsinóron függött pecsét elveszett, a budai kir. kamarai levéltárban.)