Bela Dei gracia Rex Hungarie suis fidelibus villicis, judicibus pro presenti constitutis, ac hospitibus de Tyrna salutem et graciam. Licet et aliis hominibus Regni nostri misericordiam in ueritate iusticie facere debemus: illis tamen potissime facere debemus, a quibus in Domino Domini iugis infunditur oracio pro salute fidelium, stabilitate seu Regni nostri tranquillitate. Vnde cum intuitu Diuine pietatis sororibus seu sanctis monialibus de Tyrna de gracia concesserimus speciali, ut illa area seu curia, que extra claustrvm ipsarum est, in qua officialas earum, videlicet Capellani, sutores et pistores commorantur, ab omni debito, nec non exaccione qualibet, que ad ordinem ville iure exigitur, penitus sit exempta; volumus et mandamus vestre firmiter fidelitati precipientes, quatenus super premissa area vel curia predictarum dominarum nullam collectam ex nunc et in futvrum optentu nostre gracie plenioris exigere presumatis. Datum in Toplicha anno Domini M°CC°LX°IIII°.

(IV. László királynak 1280-ki megerősítő okmányából, mint alább, a budai kir. kamarai levéltárban.)