Bela Dei gracia Rex Hungarie fidelibus suis Comitibus Parochialibus et Curialibus Comitibus de Vesprimio, de Jaurino, de Castro Ferreo et de Zala cum omnibus alijs, quibus presentes ostendentur, salutem et graciam. Cum Monasterium nostrum de Beel a iurisdiccione omnium Comitum Parochialium secundum continenciam priuilegij Sanctissimi Regis Stephani sit exemptum; cuius continenciam inuiolabiliter obseruamus et uolumus obseruari; volumus et fidelitatis vestre firmiter precipiendo mandamus: quatenus de iudicandis populis ipsius Monasterij vos nullatenus intromittere debeatis; alioquin si contra indultum predicti priuilegij eiusdem Monasterij et tenorem nostri mandati quidquam fuerit attemptatum, decreuimus nihil valere, prout eciam in prioribus litteris nostris id ipsum vidimus contineri. Datum in Poroua in festiuitate Omnium Sanctorum anno Domini M°CC° sexagesimo quarto.

(Eredetie a pannonhalmi főapátság lovéltárában.)