Stephanus Dei gracia junior Rex Hungarie, Dux Transsiluanus, Dominus Cumanorum, omnibus Christi fidelibus presens scriptum inspecturis salutem in omnium saluatore. Ad uniuersorum noticiam harum serie uolumus peruenire, quod 95accedens ad nostram presenciam German de uilla Cumlous, exhibuit priuilegium domini Regis, karissimi patris nostri, petens supliciter et deuote, ut ipsum priuilegium confirmare dignaremur nostrarum patrocinio litterarum. Quarum quidem talis est tenor:

Bela Dei gracia Vngarie stb. Rex stb. (következik IV. Béla királynak 1261-ki okmánya, mint fentebb 2. sz. a.)

Nos igitur peticiones ipsius Germanni iustas fore considerantes et legitimas, continenciam dicti priuilegij de uerbo ad uerbum presentibus insertam nostro priuilegio duximus confirmandam. Ad hec considerantes fidelitates et seruiciorum merita eiusdem Germanni, quandam particulam dicte terre Cumlouch, quam Cruciferi de Cumlouch indebite occupatam detinebant, eidem Germanno et suis heredibus heredumque successoribus contulimus de nostra gracia speciali. Cuius quidem terre prima meta est in capite riuuli Chepzeu uocati; abinde uenit ad puteum quendam Silibus uocatum; deinde descendit ad riuulum Egurpotok uocatum; abinde redyt ad riuulum Cumlous, ad terram uidelicet eiusdem Germanni, ubi terminatur. Ut igitur huiusmodi nostre ordinacionis et collacionis series robur obtineat perpetue firmitatis, nec inposterum per quempiam possit uel debeat retractari, presentes concessimus litteras dupplicis sigilli nostri munimine roboratas. Datum per manus Magistri Benedicti Prepositi Orodiensis, aule nostre Vice-Cancellarij, anno Domini millesimo ducentesimo sexagesimo quarto.

(Eredetie bőrhártyán, melyről István ifjabb király pecsétjének töredéke vörös-zöld selyemzsinóron függ, a budai kir. kamarai levéltárban.)