Urbanus Episcopus seruus seruorum Dei venerabili fratri... Episcopo Traguriensi salutem et Apostolicam benedictionem. Sua nobis dilecti filii... Guardianus et fratres de Ordine Minorum petitione monstrarunt, quod quondam Desaluce ciuis Traguriensis; terrena pro celestibus cupiens feliciter commutare, dictis Guardiano et fratribus, quos in necessariis magnum consideravit sustinere defectum, terras, possessiones et omniabona in sua ultima voluntate legauit. Et quia fratres ipsius ors dinis de possessionibus se nullatenus intromittunt; nec ei 99licet possessiones habere, quatuor procuratores constituit, qui terras et possessiones huiusmodi procurarent, ac redditus et prouentus earum in necessitatem Guardiani et fratrum converterent eorumdem: ita quod reddituum et prouentuum predictorum residuum, si quod esset, iuxta consilium Pronincialis Ministri et aliorum fratrum ipsius Ordinis de partibus illis, studerent aliis fratribus eiusdem Ordinis alibi commorantibus impartiri. Quare pro parte dictorum Guardiani et fratrum humiliter petebatur a nobis, ut cum eis premissa terrarum et possessionum, seu reddituum et proventuum predictorum dispositio pro ipsius Ordinis honestate non competat, et locus in quo hactenus morati sunt, pro eo precipue habitatione non congruat eorundem, quia a ciuitate Traguriensi nimium est remotus, prouidere super hoc paterna sollicitudine curaremus. Nos itaque huiusmodi necessitati dictorum Guardiam et fratrum consulere cupientes, fraternitati tue mandamus; quatenus, si est ita, terras et possessiones predictas de consilio et assensu predictorum procuratorum per te, vel per alium auctoritate nostra vendere studeas, et de pretio, quod ex eis prouenerit, aliquem locum dictis Guardiano et fratribus aptum emas sine iuris preiudicio alieni, ac in ipso ecclesiam, domos et offcinas construi ad opus facias eorundem, talem super hiis diligentiam habiturus, quod exinde digna laudibus apud nos tua sinceritas habeatur. Datum apud Urbemueterem VI. idus Januarij, Pontificatus nostri anno tertio.

(Theiner, Vetera Monumenta Slavorum Meridionalium Historiam illustrantia, I. köt. 89. l.)