Nos Comes Symon Viceindex Curie domini Regis memorie commendantes significamus vniuersis, quod cum Woch filius Mortunus de Sarfev contra Benedictum et Stephanum similiter de Sarfev secundum continenciam litterarum nostrarum memorialium in octauis Beati Michaelis Archangeli coram nobis ad peremptoriam responsionem comparere debuisset, vel cum pace, si pacificari potuisset, et seriem pacis in litteris Cosme Comitis Strigoniensis exhibere; aduenientibus ipsis octauis Beati Michaelis idem Woch personaliter ex vna parte, Benedictus et Stephanus predicti similiter personaliter cum Petro et Phyle fratre eorum ex altera coram nobis constituti, exhibuerunt litteras Cosme Comitis antedicti, in quibus continebatur, quod per arbitrium eiusdem Comitis Cosme et Stephani filij Sumudur, qui inter ipsos in arbitros fuerunt deputati, talis composicio facta fuisset inter ipsos: Quod pro terra Wedered vocata, quam Benedictus et socij sui predicti requirebant nomine iuris eorum de predicto Woch, idem Woch terram suam in Sarfev existentem iuxta fluuium Saar a parte Posonij dedisset et contulisset perpetuo possidendam, excepta vinea sua, et exceptis viginti iugeribus terrarum arabilium adiacencium iuxta eandem vineam, et excepto pomerio, et vno fundo curiesue iuxta eundem fluuium, Benedicto et socijs suis supradictis; loco cuius pomerij idem Woch ultra eundem fluuium Saar a parte orientali contulisset seu reliquisset aliud pomerium eidem consimile, et similiter terras Manar et Pehchan vocatas nomine iuris eorundem sine aliqua litis questione similiter perpetuo possidere; sicut eciam partes hec omnia, que superius sunt expressa, viua uoce fuisse recitarunt pura et spontanea corum voluntate. Adicimus, quod de omnibus hys, que idem Woch Benedicto, Petro, Phyle et Stephano predictis 104reliquit, ijdem confessi sunt, quod dimidietas omnium cederet in ius et perpetuitatem Benedicti, Petri et Phyle, dimidietas autem similiter in ius et perpetuitatem Stephani memorati. Nos itaque hanc composicionem amicabilem, factam inter ipsos, ratam habentes atque firmam, petentibus eisdem nostris litteris duximus confirmandam. Datum Posonij feria quinta proxima post octauas Beati Michaelis Archangeli anno Domini millesimo ducentesimo sexagesimo quarto.

(Eredetie bőrhártyán, melyről Simon alországbírónak pecsétje hártyazsinegen függ, a budai kir. kamarai levéltárban.)