A B C

Capitulum Ecclesie Jauriensis vniuersis presentes litteras inspecturis salutem in Domino sempiternam. Ad vniuersorum noticiam tenore presencium uolumus pervenire, quod cum anno proxime retroacto Johannes filius Belud de genere Osl de terra sua hereditaria iu Chena existenti centum et viginti iugera terre arabilis et pratum seu fenetum ad usum triginta falcastrorum sufficiens retro uillam Vrs, deffectum eiusdem feneti, si ibi ad triginta falcastra compleri non possent, aliunde suppleturus, Comiti Herbordo filio Osl fratri suo a vigilia Natiuitatis Dominice usque ad octauas Beati Johannis Baptiste subsequentes per nostras litteras obligasset pro quatuordecim marcis fini argenti, si in ipsis octauis Sancti Johannis Baptiste redimere non posset, per se uel per Belud fratrem suum in octauis Sancti Michaelis proxime subsequentibus redimenda; tali condicione et pena inclusis, ut nisi in ipsis octauis Sancti Michaelis ipse uel dictus Belud frater suus redimerent, deinceps ipse terra centum et viginti iugerum ac fenetum memoratam pro predictis quatuordecim marcis ipsi Comiti Herbordo perpetuari deberent, et nos nostrum eidem Comiti Herbordo super ipsa perpetuacione priuilegium largiremur; ipsis octauis Sancti Michaelis aduentibus nec dictus 111Johannes nec frater eius Belud prefatus ipsam terram et fenetum redimere curauerunt, predicto Comite Herbordo eos pro huiusmodi redempcione in nostra presencia diucius expectante. Ipsa itaque terra centum et viginti iugerum, ac pratum seu fenetum triginta falcastrorum propter premissam obligacionis sue condicionem et penam ipsi Comiti Herbordo perpetuata extiterunt; et si quispiam cum pro ipsis terra et feneto uoluerit infestare, dictus Johannes cum debebit modis omnibus expedire, quemadmodum in die obligacionis assumpserat personaliter coram nobis. Preterea cum anno presenti Jan et Stephanus filij Farcasij de Edw quandam terram suam hereditariam Janoa uocatam, et tres partes loci molendini ipsorum, qui in flumine Raba secus eandem terram molendino Vgud et Chak Bani filiorum Magistri Demetrij Helgolth nominato ultra ipsum flumen Raba sito existit in opposito. Que quidem terra Janoa incipit et orditur a plaga septemtrionali iuxta clausuram domini Regis Vstrov nuncupatam et uergit versus Rabam, et a terra consanguineorum Jaan et Stephani predictorum a parte uille Ketel per quandam semitam separatur, a parte uero orientali per stratam, que incipit ab eadem clausura, et tendit similiter ad ipsum flumen Raba, in qua eciam terra Janoha fagi et alie arbores magne sunt consite, ut dixerunt, Rubino filio Tadey consanguineo ipsorum personaliter permittente ab octauis Sancti Regis Stephani usque ad octauas Sancti Michaelis prefatas auctoritate litterarum nostrarum pro decem marcis denariorum Viennensium obligassent ipsam terram et tres partes loci molendini predictas, nisi eas in ipsis octauis redimerent, amissuri; ijdem Jaan et Stephanus aduenientibus ipsis octauis Sancti Michaelis redimere non curarunt, nec per se nec eciam per consanguineos suos memoratos, verum ipsa terra Janoa et tres partes molendini propter condicionem et penam, quibus interiectis fuerant obligate, ipsi Comiti Herbordo extiterunt pro predictis decem marcis perpetuo deuolute; et quicunque ipsum Comitem Herbordum pro eis inpetere seu infestare attemptauerit, eum ijdem Jan et Stephanus deffendere tenebuntur. Ceterum in die obligacionis terre Janoa et trium partium loci molendini prefatarum dictus Rubinus filius Tadei quartam pertem eiusdem loci melendini, que ipsum solum iure hereditario contingebat, 112sicut in litteris nostris priuilegialibus, per dictos Jan et Stephanum ac eorum generacionem inpetratis, plenius continetur, ex eorundem Jan et Stephani personaliter comparencium consensu cum terra quadraginta jugerum ad ipsam quartam partem loci molendini pertinentem, in quorum viginti iugeribus a parte orientali secus fundum curie dicti Farcasij est virgultum, et in eiusdem virgulti medio vallis Graba nomine consistit; reliqua autem viginti iugera in fine eiusdem virgulti de terra arabili similiter a parte orientali existunt, vendidit Comiti Herbordo sepedicto pro quinque marcis perpetuo possidendas; asumendo ipsum Comitem Herbordum ab omnibus racione ipsius quarte partis et terre molestare uolentibus expedire. In cuius rei memoriam ad instanciam eiusdem Comitis Herbordi presentes dedimus litteras sigill nostri munimine roboratas, anno Dominice Incarnacionis millesimo ducentesimo sexagesimo quarto. Chepano Preposito, Jurkone Cantore, Hectore Custode existentibus.

(Eredetie bőrhártyán, melyről a káptalan pecsétje sárga-zöld selyemzsinóron függ a nemz. muzeum kézirattárában.)