Vniuersis Christi fidelibus tam presentibus quam futuris presencium noticiam habituris denotum Waciensis Ecclesie Capitulum salutem in eo, qui est salus omnium. Ad vniuersorum noticiam tenore presencium volumus peruenire, quod Paulus filius Gera, et Pousa filius eiusdem de villa Bagun ex una parte; Paznanus Comes de genere Zolnuk de dicta villa Bagun suis consanguineis mediantibus et consencientibus ex altera, coram nobis constituti presencialiter; Paulus predictus vna cum filio suo presente viua voce sua asseruit, quod tres partes terre sue hereditarie in villa Bagun consistentis diuisim per funiculum ex parte terre Henel de parte superiori cum utilitatibus suis, scilicet arabili terra, feneto, silua, quarta parte sibi obseruata; item tres partes nemoris sui de parte superiori, quarta parte sibi retenta, Paznano predicto suisque successoribus vendidisse pro quinque marcis et fertone argenteo in perpetuum possidendam sumpnam pecunie fassus est plenarie recepisse. Vt igitur processu temporum super hac vendicione empcione lis aliquatenus uel controuersia inter eos non valeat incitari per peticionem instanciam partis utriusque litteras presentes alphabeto bipartitas Paznano sepius dicto in robur perpetue firmitatis concessimus sigilli nostri munimine roboratas, anno Domini M°CC°LX° quarto. Reuerendis Ecclesie nostre fratribus Gregorio Preposito nostro, Jona Lectore, Matheo Cantore, Paulo Custode, ceterisque Deo deuote ministrantibus.

(A váczi káptalannak 1337-ki átiratából a budai kir. kamarai levéltárban.)