Vniuersis Christi fidelibus tam presentibus quam futuris Nitriensis Ecclesie Capitulum oraciones in Domino. Ad vniuersorum noticiam harum serie uolumus peruenire, quod cum Magister Bryccius Sublector Ecclesie nostre Nitriensis in graui egritudine infirmitatis iaceret articulo, et tamen compos sue mentis esset, disponens suum testamentum coram nobis, ut cum iam de hoc mundo transitoriam mutaret ad Dominum, quandam particulam terre sue hereditarie ad duo aratra, Zeulen vocatam, vicinam et commetaneam cum Kadar, prope Gran, reliquit et permisit pro remedio anime sue Monasterio 138Sancti Benedicti de iuxta Gran in perpetuum possidendam, cum uno nemore, coram nobis. In cuius rey testimonium presentes concessimus litteras sigilli nostri munimine roboratas. Datum III° nonas Julij, Magistro Demetrio Lectore nostro existente, anno gracie M°CC° sexagesimo quinto.

(Az eredeti után Knauz Nándor, Magyar Sion III. köt. 56. l.)