Anno Incarnacionis Domini M.CC.LX.V. mensis Octobris XIII° die, Racusii. Nos quidem Johannes Quirinus Comes Racusii cum consilio de Parvo et Magno Consilio, ordinata Curia cum sonitu campane, et populo Racusino more solito congregato, cum laudacione tocius populi constituimus et ordinavimus vos nobiles viros concives nostros, videlicet Theo dorum Bodatum, et Dimitrium Mizi, atque Serzium Clementis in Judices nostros communales pro parte nostra nostreque Communitatis ad audiendum, diffiniendum et sentenciandum cum Communalibus Judicibus Ciuitatis Spaleti lites omnes et questiones, quas nos et Communitas Racusii et homines speciales ejusdem nostre Ciuitatis habere sperant vel sperabant apud stanicum in loco, qui dicitur Preulac, cum Communitate vel hominibus specialibus Ciuitatis Spaleti; vel eciam Communitas seu speciales homines Ciuitatis Spaleti cum Communitate vel hominibus specialibus nostre Ciuitatis Racusii, coram vobis et ipsis Communalibus Juratis Judicibus utriusque Communitatis stb.

(Eredetie a bécsi cs. kir. titkos levéltárban.)