Stephanus Dei gracia junior Rex Hungarie, Dux Transsiluanus, Dominus Cumanorum omnibus Christi fidelibus presens scriptam inspecturis salutem in omnium saluatore. Fidelitates et merita subditorum ad ampliandam Regalem graciam in subditis Celsitudinem Regiam non inmerito attrahunt et inuitant, ut hoc exemplo fideles ad acquirende gracie cupiditatem multo forcius accendantur. Hinc est, quod cum Magister Kazmerius aule nostre Notarius a primeuis puericie sue annis in feruore fidelitatis nobis gratum et acceptum indefesse fidelitatis studuisset impendere famulatum, et in alijs nichilominus articulis nobis plurimum necessarijs et admodum opportunis, tam in ambitu Regni nostri, quam extra Regnum in legacionibus nostris perferendis. Maiestati nostre impendisset obsequium graciosum, que ad presens enarrari sufficienter per singulanequeunt suo modo; in aliqualem reconpensacionem seruiciorum suorum, licet minima uideantur, que ad presens agimus, respectu eorum, que facere intendimus pro eodem, terram Ekusyoachim iobagionis Castri de Zabolch sine herede decedentis, vacuam et habitatoribus carentem, in ipso Comitatu de Zabolch existentem, iuxta Tycyam adiacentem, quam post recessum Tartarorum Cozmas et Eherleus filij Alexandri Comitis sine donacione et collacione nostra occupatam detinebant, eximendo ab eodem Castro per omnia, cum stagnis, piscinis, piscaturis, terris arabilibus, siluis, fenetis et omnibus pertinencijs, circumstancijs et vtilitatibus, sub hijsdem metis et terminis, quibus antea fuerat limitata, nouas metas iuxta ueteres metas erigendo, eidem Magistro Kazmerio, et per eundem suis fratribus, Bwza scilicet, Petro, Beze, Hemus, Benedicto et Luka, et eorum heredibus heredumque successoribus contulimus, donauimus, dedimus atque tradidimus in perpetuum et inreuocabiliter possidendam; introducentes eosdem in corporalem possessionem eiusdem terre per Johannem Comitem filium Karul, tunc Vicejudicem Curie nostre, sub testimonio Magistri Andree filij Kelyan Comitis Capelle nostre, presentibus commetaneis et vicinis, ac omnibus jobagionibus Castri memorati, Vylyna videlicet, Dees, Bodolo, Futas, Ladislao; nullo pepitus contradictore existente; prout nobis per predictos Johannem Comitem et Magistrum Andream constitit euidenter. Concessimus eciam eidem Magistro Cazmerio et fratribus eiusdem prenotatis potestatem, et licenciam dedimus, eandem terram dendi, donandi, vendendi, permutandi seu legandi cognatis eorum, vel alijs, quibus voluerint, et ordinand de eadem in bona valetudine, vel eciam in vltima volun etat iuxta eorum beneplacitum voluntatis; ita quod nec per nos, nec per alios ordinacionem ipsorum, et maxime vltime voluntatis desiderium inmuteri, retractati, rescindi, sew velamento alicuius occasionis liceat reuocari. Addicimus eciam, quod si ijdem Cozmas vel Thomas filius Ehelleus, vel quicunque alius aliqua priuilegia, documenta sew instrumenta tractu temporis super ipsa terra exhiberent, nullius penitus sint momenti, cum tacita veritate ac suggesta falsitate ipsa taliter iudicemus. Vt igitur huius nostre donacionis et collacionis series robur obtineat perpetue firmitatis, nec per iniquorum machinaciones processu temporum possit vel debeat retractari sew reuocari, presentes eisdem concessimus litteras dupplicis sigilli nostri munimine roboratas. Datum per manus Magistri Lodomerij, aule nostre Vice-Cancellarij dilecti et fidelis nostri anno Domini millesimo ducentesimo sexagesimo sexto.

(IV. László királynak 1272-ki megerősítő privilegiumából, a budai kir. kamarai levéltárban.)