A B C D

Capitulum Ecclesie Strigoniensis omnibus Christi fidelibus presentibus pariter et futuris presentes inspecturis salutem in eo, qui sceptro Regio gloriantibus dat salutem. Gesta, que in tempore fiunt, varietate temporum ne labantur, nec vacillent, ipsa prouida discrecio sapientum sollersque investigacio virorum adinvenit ad cautelam; quod patrocinio litterarum consueuerunt roborari. Proinde ad vniuersorum noticiam tam presencium quam futurorum harum serie litterarum volumus peruenire; quod Guge filius Petri, et Ladyzlaus filius Adriani, nobiles de Balan ab una parte; Comes Egydius vero filius Rugas nobilis de eadem Balan fratres patrueles ex altera, coram nobis personaliter constituti, pari voluntate consensuque communi dictum et progositum extitit per eosdem, quod propter pacis donum, quod est omnibus bonum, et inviolabilem consanguinitatis fauorem, et vt omnis controversia et litis materia seu dissensio de medio eorundem excluderetur, possessiones ipsorum hereditarias, Sarou videlicet vocatam in Comitatu Borsiensi existentem, ad vsum viginti aratrorum sufficientem; item aliam Saag nominatam in Comitatu Huntensi existentem iuxta fluuium Ipul ad decem aratra sufficientem, presente Jacobo sacerdote de choro Ecclesie nostre ad peticionem predictorum nobilium per nos ad hoc transmisso, taliter inter se diuisissent, quod possessio Sarou predicta cum ecclesia in honore Beati Petri Apostoli constructa, ut duobus molendinis super fluuium Goron, et alijs quibuslibet utilitatibus ad eandem pertinentibus; cessisset Comiti Guge et Ladizlao prenotatis; item possessio Saag supradicta, similiter cum ecclesia Beati Martini confessoris super eadem constructa, cum loco molendini super fluuio Ipul, similiter cum vniuersis vtilitatibus spectantibus ad eandem sine preiudicio iuris alieni euenisset Comiti Egydio prelibato. Tali vinculo obligacionis interiecto, vt quicunque ex ipsis temporum cursu iam dictam diuisionem reuocaret, uel successores eorundem, et alter alterum super premissa diuisione facta lite attemptare coram quovis judice niteretur; extunc aute ingressum litis parti aduerse, scilicet diuisionem supradictam tolleranti, viginti marcas dare et soluere teneretur; tali eciam condicione interposita, quod si aliquis ipsorum possessionem, seu porcionem suam in predictis possessionibus habitam, vendere, obligare nel impignorare aliqua necessitate vrgente intenderet, nemini posset, nec deberet, nisi ipsis proximis suis, aut ipsorum proximo, qui eos consanguinitatis linea attingeret in generacione eorundem. Vt igitur huius diuisionis series perpetua et inconcussa maneat, ad peticionem predictorum nobilium presentes concessimus litteras sigilli nostri munimine roboratas. Datum per manus Magistri Syxti Lectoris Ecclesie nostre anno ab Incarnacione Domini M°CC°LX° sexto, septimo kalendas Nouembris.

(Eredetie bőrhártyán, a káptalannak barna selyemzsinóron függő pecsétje alatt, a budai kir. kamarai levéltárban.)