A B C

Capitulum Ecclesie Jauriensis omnibus, ad quos presentes peruenerint, salutem in Domino sempiternam. Ad uniuersorum noticiam tenore presencium uolumus peruenire, quod nobili viro Magistro Conrardo filio Stephani de Owar ex una 1arte, et Pete ac Cemb filijs Nicolai de Cherne in Comitatu Musuniensi pro se et Hermano fratre suo ex altera coram nobis perronaliter constitutis; ijdem Pete ac Cemb, excepto fundo ipsorum siue area in quantitate sex iugerum adiacenti, totam porcionem suam, que in possessione Cherne ipsos et fratrem eorum dictum Hermanum hereditario iure contingit, sex uidelicet mansiones; cum omnibus utilitatibus et pertinencijs earum, prefato Magistro Conrardo se et dictum Hermanum fratrem suum confessi sunt uendidisse pro duodecim marcis, quas sibi asserunt persolutas decem pensis denariorum Viennensium pro marcis singulis computatis, perpetuo pacifice possidendum; assumentes eundem Magistrum Conrardum ab omnibus expedire, si qui eum per ipsam possessionis particulam impetere attemptarent. In cuius rei memoriam ad parcium peticionem presentes dedimus litteras sigilli nostri munimine roboratas, anno gracie millesimo ducentesimo sexagesimo sexto. Chepano Preposito, Jurkone Cantore, Hectore Custode existentibus.

(Eredetie bőrhártyán vörös-sárga selyemzsinóron függő pecsét alatt, a mélt. báró Révay családnak levéltárában.)