Vniuersis Christi fidelibus, quibus presentes innotuerint, Nitriensis Ecclesie Capitulum salutem in omnium saluatore. Humana pereunt negocia, si litterarum non fuerint testimonio roborata. Proinde ad vniuersorum noticiam harum serie uolumus peruenire; quod nobilis vir Comes Buken filius Buken de Cheklez ab una parte, Comes Andreas filius Andree de Elephant ab altera, coram nobis personaliter constituti, idem Comes Buken proposuit asserendo, quod quandam possessionem suam Moycheh uocatam in Comitatu Posuniensi existentem, cum ecclesia in honorem Omnium Sanctorum fundata, et cum ceteris alijs utilitatibus sev pertinencijs ipsius possessionis, eidem Comiti Andree, et per eum suis heredibus, heredumque successoribus pro centum et sexaginta quinque marcis fini argenti perpetuo possidendam uendidisset; de quibus centum et LX quinque marcis domina uxor eiusdem Comitia Andree predictas LX et quinque marcas personaliter astans cum rebus suis dedit eidem Comiti Buken et persoluit, centum uero Comes Andreas memoratus. Tali nichilominus articulo interiecto, quod si processu temporum eadem possessio ab eodem Comite Andrea repeteretur, uel repetere nitteretur (így) in futurum, uel a suis posteris; extunc antefatus Comes Buken et sui successores sepefatum Comitem Andream et suos posteros defendere et expedire tenerentur proprij laboribus et expensis. Cuius quidem possessionis termini seu distincciones hoc ordine terminantur; videlicet ab oriente terre Pauli, Tykus, Mortun et Mathie Nec uocate incipit terminus; a parte uero meridionali commetaney ipsius possessionis Karachata quidam iobagio Posoniensis Castri in terra Gest uocata, ac Scent Abraam, que est Abraam filij Sebes; a parte occidentali terre Pauli uocate; a septemtrionali Opoy et Jacoby filij Voynus jobagionis Castri Posoniensis; et inde transit per aquam Duduag uersus orientalem ad primum terminum, et ibi terminatur. In cuius rei testimonius presentes concessimus litteras sigilli nostri munimine roboratas. Datum VI. kalendas Julij anno gracie M°CC°LX°VI°, Ecclesie nostre Lectore Magistro Demetrio existente.
A B C
(Eredetie bőrhártyán, a zöld-vörös selyemzsinóron függött pecsét elveszett, a budai kir. kamarai levéltárban.)